ការសិក្សាបានបង្ហាញថា ការសាកថ្មឥតខ្សែអាចបង្កអន្តរាយដល់អាយុកាលថ្មរបស់ទូរស័ព្ទដៃជាពិសេស ប្រសិនបើយើងសាកមិនបានត្រឹមត្រូវ។ យោងតាមការវិភាគរបស់American Chemical Society (ACS) បានអោយដឹងថា បច្ចេកវិទ្យាទំាងនោះអាចង្កើនសីតុណ្ហភាពនៅផ្នែកខាងក្នុងឧបករណ៍អោយកាន់តែក្តៅ ដែលនេះអាចផ្តល់ផលប៉ះពាល់ដល់អាគុយលីចូម ដែលអាគុយប្រភេទនេះត្រូវបានគេប្រើច្រើននៅក្នុងស្មាតហ្វូនបច្ចុប្បន្ន។
ការសិក្សារបស់សាកលវិទ្យាល័យ Warwick (អង់គ្លេស) ក៏បានបង្ហាញផងដែរថាការសាកឥតខ្សែអាចធ្វើឱ្យថ្មចុះខ្សោយដោយសារសីតុណ្ហភាពខ្ពស់ ព្រោះវាបង្កើនកំដៅអោយក្តៅក្នុងកំឡុងពេលបញ្ចូលថ្ម ជាពិសេសនៅពេលដែលស្មតហ្វូនមិនស្ថិតនៅទីតាំងដំសាកអោយបានត្រឹមត្រូវ។ លើសពីនេះការស្រាវជ្រាវបានចង្អុលបង្ហាញថា នៅពេលគេប្រើcase ទូរស័ព្ទ ក្នុងកំឡុងពេលសាកថ្ម នោះវានឹងចំណាយពេលកាន់តែយូរក្នុងការសាក និងធ្វើអោយស្មាតហ្វូនកាន់តែឡើងកម្តៅកាន់តែខ្លាំង ដែលនឹងផ្តល់ប៉ះពាល់ដល់អាយុកាលថ្ម។ យ៉ាងណាមិញ អ្នកផលិតបានធានាថាមិនមានការខូចខាតដល់ឧបករណ៍ទេ ដរាបណាឧបករណ៍ដើមត្រូវបានប្រើតាមលក្ខណៈត្រឹមត្រូវ។
ម្យ៉ាំងទៀត ការសាកឥតខ្សែតម្រូវឱ្យឧបករណ៍នេះត្រូវគ្នាជាមួយបច្ចេកវិទ្យា។ ក្នុងករណីសាកទូរស័ព្ទដោយមិនដកcaseចេញពីទូរស័ព្ទ, យើងចាំបាច់ត្រូវពិនិត្យមើលការបញ្ចូលចរន្តអគ្គិសនី រយៈពេលនិងកម្តៅទូរស័ព្ទ ដើម្បីធានាថាវានឹងមិនបង្កហានិភ័យណាមួយដល់ខ្លួនឯង និងអាយុកាលថ្ម។ ហើយយើងគួរតែប្រើប្រាស់ឆ្នាំងសាកឥតខ្សែដែលមានគុណភាពខ្ពស់អោយស្របទៅនឹងប្រភេទស្មាតហ្វូនដែលយើងប្រើប្រាស់ និងជៀសវាងប្រើទូរស័ព្ទកំឡុងពេលសាកថ្មដែលបង្កអោយមានកម្តៅកាន់តែខ្លាំង។ ការថែទាំបែបនេះអាចធ្វើឱ្យថ្មអាចដំណើរការកាន់តែមានប្រសិទ្ធភាពជាងមុខផងដែរ។
Source: www.somagnews.com
CFU E-Sports League Cambodia
Web៖ https://cfu-esports.com/
FB Page៖ CFU E-Sports League Cambodia
YouTube៖ CFU E-Sports League Cambodia – YouTube
