ក្រុមហ៊ុន Google បានថ្លែងនៅក្នុងការសរសេរប្លក់ថ្មីថាឥឡូវនេះវានឹងអនុញ្ញាតឱ្យអ្នកបង្កើតផ្ទាំងប្រើប្រាស់ផ្ទាល់ខ្លួនសម្រាប់ប្រព័ន្ធប្រតិបត្តិការ Wear OS។ វាបានណែនាំផ្ទាំងប្រើប្រាស់ជាលើកដំបូងនៅក្នុងឆ្នាំ ២០១៩ ធាតុក្រាហ្វិកដែលអ្នកប្រើប្រាស់អាចក្រឡេកមើល និងអូសដើម្បីទទួលបានព័ត៌មានដូចជា៖ ព័ត៌មានអំពីអាកាសធាតុ ការជូនដំណឹង ប្រតិទិន ឬស្ថិតិ ក៏ដូចជាចង្វាក់បេះដូងផងដែរ។ ផ្ទាំងប្រើប្រាស់ទាំងអស់ត្រូវបានប្រើដោយផ្ទាល់ពី Google ឬក្រុមហ៊ុនផលិតឧបករណ៍នេះ។

កន្លែងប្រមូលផ្តុំ Jetpack Tiles របស់វាសម្រាប់អ្នកអភិវឌ្ឍន៍ភាគីទីបីឥឡូវនេះស្ថិតនៅក្នុងalpha។ ខាងក្រោមនេះជាការបង្ហោះប្លក់ពីក្រុមហ៊ុន Google៖

ផ្ទាំងប្រើប្រាស់នីមួយត្រូវបានរចនាឡើងសម្រាប់ករណីប្រើប្រាស់ជាច្រើនដូចជាតាមដានសកម្មភាពប្រចាំថ្ងៃរបស់អ្នកប្រើប្រាស់ ការចាក់បទចម្រៀងដែលបានចាក់ថ្មីៗ ឬផ្ញើសារទៅមនុស្សដែលអ្នកស្រឡាញ់។ ខណៈពេលដែលកម្មវិធីអាចដាក់បានផ្ទាំងប្រើប្រាស់ជាច្រើនកំពុងដំណើរការយ៉ាងលឿនហើយផ្តោតលើតម្រូវការបន្ទាន់របស់អ្នកប្រើប្រាស់។ ប្រសិនបើអ្នកប្រើប្រាស់ចង់បានព័ត៌មានបន្ថែមអំពីផ្ទាំងប្រើប្រាស់ គ្រាន់តែចុចដើម្បីបើកកម្មវិធីដែលទាក់ទងនៅលើនាឡិកា ឬទូរស័ព្ទដើម្បីទទួលបានបទពិសោធន៍កាន់តែស៊ីជម្រៅ។

ប្រព័ន្ធប្រតិបត្តិការ Wear OS បានស្ថិតនៅក្នុងការធ្វើបច្ចុប្បន្នភាពផងដែរ។ នៅក្នុងការចុះផ្សាយប្លក់ចុងក្រោយពីក្រុមហ៊ុនបានថ្លែងថា ផ្ទាំងប្រើប្រាស់ថ្មី នឹងចេញអោយប្រើប្រាស់ជាផ្លូវនៅរដូវផ្ការីកនេះនៅពេលក្រុមហ៊ុនដាក់បង្ហាញប្រព័ន្ធ Wear OS ដែលបានអាប់ដេតត្រូវគ្នា។

ប្រភព៖ theverge

ដើម្បីស្វែងយល់អំពីពត៌មានបច្ចេកវិទ្យាថ្មីៗបន្ថែមសូមចូលទៅកាន់៖
Website: https://cfu-esports.com
Facebook៖ CFU E-Sports League Cambodia
YouTube​៖​ CFU E-Sports League Cambodia