ស្មាតហ្វូនស៊េរីថ្មី vivo X60 នឹងមកដល់ជាផ្លូវការនៅថ្ងៃទី ២៩ ធ្នូខាងមុននេះ

ក្រុមហ៊ុន Vivo បានប្រកាសជាផ្លូវការថានឹងបង្ហាញស្មាតហ្វូនសេ៊រីថ្មី មុនដាច់ឆ្នាំ២០២០នេះ នោះគឺទូរស័ព្ទដៃ vivo X60 series ដែលនឹងដាក់បង្ហាញនៅថ្ងៃទី ២៩ខែធ្នូខាងមុខនេះ

Written by Heaur



12/15/2020



News | Smart Phone

ក្រុមហ៊ុន Vivo បានប្រកាសជាផ្លូវការថានឹងបង្ហាញស្មាតហ្វូនសេ៊រីថ្មី មុនដាច់ឆ្នាំ២០២០នេះ នោះគឺទូរស័ព្ទដៃ vivo X60 series ដែលនឹងដាក់បង្ហាញនៅថ្ងៃទី ២៩ខែធ្នូខាងមុខនេះ។ គេរំពឹងថាស្មាតហ្វូន vivo X60 Pro នឹងតំឡើងជាមួយបន្ទះឈីប Exynos 1080។ បន្ថែមពីនេះ ស្មាតហ្វូន vivo X60 គឺជាទូរស័ព្ទម៉ូឌែលចុងក្រោយមួយ ដែលនឹងបំពាក់ដោយបន្ទះឈីបមានទំហំ 5nm ថ្មីរបស់ Samsung។ ម្យា៉ងទៀត វាក៏នឹងដំណើរការដោយប្រព័ន្ធប្រតិបត្តិការ OriginOS ដែលប្រព័ន្ធប្រតិបត្តិការកើតចេញពីការកែលម្អដោយផ្ទាល់ពីក្រុមហ៊ុន vivo តែវាត្រូវបានតំឡើងនៅលើ Android kernel។

ទោះយ៉ាងណាក៏ដោយ បើតាមរូបភាពខាងលើបានបង្ហាញថា ក្រុមហ៊ុនគ្រោងនឹងបញ្ចេញទូរស័ព្ទម៉ូឌែលនេះចំនួន៣ប្រភេទ រួមមាន vivo X60, vivo X60 Pro និងvivo X60 Pro+ ដោយទូរស័ព្ទទំាងនេះនឹងត្រូវបំពាក់ដោយកាមេរ៉ា៣គ្រាប់ដូចគ្នា។ ប៉ុន្តែសម្រាប់ vivo X60 នឹងមិនមាន periscope lens នោះទេ។