Vivo បានប្រកាសចេញនូវទូរស័ព្ទស្មាតហ្វូនលំដាប់ថ្នាក់អន្តរជាតិចុងក្រោយបង្អស់របស់ខ្លួនគឺស៊េរី X60 ។ ម៉ូឌែលដែលមានសមត្ថភាពខ្ពស់ជាងគេគឺ X60 Pro Plus ដែលនឹងចេញលក់ដំបូងគេនៅប្រទេសឥណ្ឌាខណៈដែល X60 និង X60 Pro ក៏កំពុងដាក់លក់នៅចក្រភពអង់គ្លេស និងទីផ្សារជាច្រើនទៀត។ មុននេះក្រុមហ៊ុន Vivo បានចេញលក់នូវស៊េរី X60 នៅក្នុងប្រទេសចិនប៉ុន្តែមានលក្ខណៈពិសេសខុសគ្នាខ្លាំងចំពោះម៉ូដែលសកលថ្មីទាំងនេះ។

ការផ្តោតសំខាន់របស់ Vivo ស៊េរី X60 គឺកាមេរ៉ា ដោយក្រុមហ៊ុនបានចាប់ផ្តើមភាពជាដៃគូថ្មីជាមួយ Zeiss ដែលរួមបញ្ចូលទាំងការប្រើថ្នាំកូតអុបទិក T * និងការធ្វើត្រាប់តាម bokeh ដោយផ្អែកលើការរចនា Biotar design របស់ក្រុមហ៊ុនផលិត lens។ ប្រភេទនៃការសហការទាំងនេះច្រើនតែជាការផ្សព្វផ្សាយទីផ្សារច្រើនជាងការលក់ពិតប្រាកដ។

X60 Pro Plus មានផ្នែកកាមេរ៉ា Hardware គួរឱ្យចាប់អារម្មណ៍មួយចំនួន។ការតំឡើងកាមេរ៉ាភ្លោះរបស់វារួមមានឧបករណ៏បឋម Samsung GN1 ទំហំ 50mp, ultrawide 48mp ជាមួយនឹងដងទប់លំនឹងរបស់ Vivo, telephoto 32mp អាចហ្សូមបាន 2x, និង periscope telephoto ទំហំ 8mp អាចហ្សូមបាន 5x ក៏ដូចជាកាមេរ៉ា Selfie  32mp ផងដែរ។

ចំពោះ spec របស់ទូរស័ព្ទ X60 Pro Plus គឺមានកំរិតល្អគួរសម។ វាមានខួរក្បាលប្រភេទ Qualcomm Snapdragon 888 និងភ្ជាប់មកជាមួយនូវស្បែកពណ៌បៃតងខ្ចីតែមួយដែលមានរ៉េមទំហំ 12GB និងទំហំផ្ទុក 256GB ។ រីឯអេក្រង់ជាប្រភេទ OLED ទំហំ ៦.៥៦ អ៊ីញដែលមានកម្រិតពន្លឺ ១២០ ហឺត។ ថាមពលថ្មគឺ ៤.២០០mAh និងសាកបានលឿនដល់ 55W ប៉ុន្តែមិនមានការសាកឥតខ្សែនោះទេ។

ស្មាតហ្វូន X60 និង X60 Pro បានបំពាក់ដោយប្រព័ន្ធកាមេរ៉ា triple-camera system ដែលមានសេនស័រសំខាន់ 48mp, 13mp ultrawide, 13mp ជា telephoto ដែលអាចហ្សូមបាន 2x។ ពួកគេទាំងពីរប្រើខួក្បាល Snapdragon 870 ដែលត្រូវបានភ្ជាប់ជាមួយ RAM ទំហំ 12GB និងទំហំផ្ទុក 256GB នៅលើ X60 Pro និង RAM ទំហំ 8GB និងអង្គផ្ទុកទិន្នន័យ 128GB នៅលើ X60 ។

X60 Pro Plus មានតម្លៃ ៩៦០ ដុល្លារនៅក្នុងប្រទេសឥណ្ឌាខណៈដែល X60 Pro មានតម្លៃ៦៩០ ដុល្លារ និង X60 តម្លៃ ៥៨០ ដុល្លារ។

ប្រភព៖ theverge
ដើម្បីស្វែងយល់អំពីពត៌មានបច្ចេកវិទ្យាថ្មីៗបន្ថែមសូមចូលទៅកាន់៖
Website: https://cfu-esports.com
Facebook៖ CFU E-Sports League Cambodia
YouTube​៖​ CFU E-Sports League Cambodia