Tesla ប្រមូលរថយន្តចំនួន 13 ម៉ឺនគ្រឿងមកវិញដោយសារបញ្ហា Alarming
តាមការជូនដំណឹងរំលឹកឡើងវិញពីរដ្ឋបាលនៃសុវត្ថិភាពចរាចរណ៍ផ្លូវជាតិ (NHTSA) ថា "ក្នុងអំឡុងពេលសាកថ្មលឿន ឬរៀបចំសម្រាប់ការសាកថ្មលឿន CPU នៃប្រព័ន្ធព័ត៌មានកំសាន្ត មិនត្រជាក់គ្រប់គ្រាន់ និង ...

Written by Vichea

05/12/2022

Tesla ត្រូវធ្វើការសម្រេចចិត្តដ៏ជូរចត់ម្តងទៀត។ ក្រុមហ៊ុនផលិតរថយន្តអគ្គិសនីដែលដឹកនាំដោយលោក Elon Musk ត្រូវប្រមូលរថយន្តចំនួន 130,000 មកវិញ ដោយសារបញ្ហាដែលបណ្តាលឱ្យ CPU នៅក្នុងប្រព័ន្ធព័ត៌មានរបស់រថយន្តឡើងកំដៅខ្លាំងអំឡុងពេលសាកថ្មលឿន។

ដែលវាអាច​បំផ្លាញ​អេក្រង់ touchscreen ​​របស់​រថយន្ត ឬ​បាត់​នូវរូបភាពទាំងស្រុងតែម្ដង ​ដូច​ដែល​សារព័ត៌មាន Associated Press បាន​រាយការណ៍​ថ្មីៗ​នេះ។ ក្រុមហ៊ុនផលិតរថយន្តអគ្គិសនីនេះបានចាប់ផ្តើមចេញផ្សាយការធ្វើបច្ចុប្បន្នភាពលើអាកាស (OTA) នៅថ្ងៃទី 3 ខែឧសភា ដើម្បីដោះស្រាយបញ្ហាលើរថយន្តដែលរងផលប៉ះពាល់ ដែលរួមមាន 2022 Model 3 និង Y ក៏ដូចជា 2021 និង 2022 Model X និង S ជាដើម។

តាមការជូនដំណឹងរំលឹកឡើងវិញពីរដ្ឋបាលនៃសុវត្ថិភាពចរាចរណ៍ផ្លូវជាតិ (NHTSA) ថា “ក្នុងអំឡុងពេលសាកថ្មលឿន ឬរៀបចំសម្រាប់ការសាកថ្មលឿន CPU នៃប្រព័ន្ធព័ត៌មានកំសាន្ត មិនត្រជាក់គ្រប់គ្រាន់ និងមានសីតុណ្ហភាពខ្ពស់ជាងការរំពឹងទុក ដែលអាចបណ្តាលឱ្យ CPU ដំណើរការយឺត ឬចាប់ផ្តើមឡើងវិញ(Restart)” ។

“ដំណើរការយឺត ឬដំណើរការឡើងវិញអាចបណ្តាលឱ្យអេក្រង់កណ្តាលមានភាពយឺត ឬមិនបង្ហាញព័ត៌មានអ្វីសោះតែម្ដង។”

ការប្រមូលមកវិញមិនបានបញ្ជាក់ច្បាស់ពីមូលហេតុដែលបណ្តាលឱ្យមានបញ្ហា ឬរបៀបដែលការអាប់ដេតកម្មវិធីនឹងអាចដោះស្រាយវានោះទេ ប៉ុន្តែបញ្ហាវាហាក់ដូចជាមកពីការសាកថ្ម Supercharger របស់រថយន្តច្រើនជាង។

ជាមួយនឹងមុខងារស្នូលជាច្រើនរបស់ក្រុមហ៊ុន Tesla ដែលត្រូវបានប្រើប្រាស់ជាមួយប្រព័ន្ធព័ត៌មានកម្សាន្ត បានបង្កការប៉ះពាល់ដល់ដំណើរការធម្មតារបស់រថយន្តជាច្រើន។ ម្ចាស់រថយន្តមួយចំនួនមិនអាចប្រើប្រាស់មុខងារសំខាន់ៗដូចជា Navigation ម៉ាស៊ីនត្រជាក់ ឬសូម្បីតែមើលការផ្សាយផ្ទាល់ពីកាមេរ៉ាបម្រុង។

Tesla ក៏បានប្រាប់រដ្ឋបាលសុវត្ថិភាពចរាចរណ៍ផ្លូវជាតិ (NHTSA) ថាខ្លួនបានទទួលការអះអាងធានាចំនួន 59 ដែលទាក់ទងដោយផ្ទាល់ទៅនឹងបញ្ហានេះ។ ក្រុមហ៊ុនបានបន្តបន្ថែមថា ខ្លួនបានរកឃើញបញ្ហាឡើងកំដៅនេះជាលើកដំបូងនៅក្នុងខែមករា ឆ្នាំ 2022។ នៅលើរថយន្តពីរបីដំបូងដែលមានបញ្ហានេះ Tesla បានប្តូរបន្ទះឈីបដែលមានបញ្ហានោះចេញជំនួសដោយបន្ទះឈីបថ្មី។ ទោះយ៉ាងណាក៏ដោយនៅខែមេសាឆ្នាំ 2022 Tesla បានរកឃើញវិធីមួយដើម្បីដោះស្រាយបញ្ហានេះដោយការចេញ Software Patch ថ្មី។

ប្រសិនបើអ្នកជាម្ចាស់ម៉ូដែលរថយន្ត Tesla ដែលបានរៀបរាប់ខាងលើ ហើយសង្ស័យថាកំពុងប្រឈមមុខនឹងបញ្ហានេះ ឥឡូវនេះអាចជាពេលវេលាដ៏ល្អដើម្បីពិនិត្យមើលថាតើរថយន្តរបស់អ្នកមានការអាប់ដេតកម្មវិធីដែលមិនទាន់សម្រេចឬអត់។ អ្នកក៏អាចពិនិត្យមើលដោយប្រើការស្វែងរក Tesla ណាខ្លះស្ថិតក្នុងការហៅមកវិញតាមរយៈលេខ Tesla VIN របស់រថយន្តអ្នកទាំងអស់គ្នាផងដែរ។ Tesla បាន​ចេញ​ការ​ប្រមូល​មក​វិញ​ជា​ច្រើន​ឆ្នាំ​មក​ហើយ រួម​ទាំង​ការ​ប្រមូល​​ដែល​មិន​អាច​ជួសជុល​បាន​ជាមួយ​នឹង​ការ​អាប់ដេត OTA ផងដែរ។ កាលពីខែធ្នូកន្លងទៅនេះ ក្រុមហ៊ុនបានប្រមូលរថយន្តម៉ូដែល 3 និង Model S ជិតកន្លះលានគ្រឿងមកវិញ ដោយសាដំណើរការខុសប្រក្រតីនៃប្រព័ន្ធចាក់សោរ។ ថ្មីៗនេះ ក្រុមហ៊ុន Tesla បានប្រមូលរថយន្តចំនួន 579,000 គ្រឿងទៀត ដើម្បីដកមុខងារ “Boombox” ។

ប្រភព៖ SlashGear និង VOI

ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖

Related Articles

ការធ្វើបច្ចុប្បន្នភាព Windows 10 រារាំងកម្មវិធី Event Viewer ហើយអាចបណ្តាលឱ្យបាត់បង់ទិន្នន័យ

ការធ្វើបច្ចុប្បន្នភាព Windows 10 រារាំងកម្មវិធី Event Viewer ហើយអាចបណ្តាលឱ្យបាត់បង់ទិន្នន័យ

កំហុសទូទៅបំផុតគឺការប៉ះពាល់ដល់កម្មវិធី Event Viewer ដែលជាកម្មវិធីរបស់ Windows 10 សម្រាប់ត្រួតពិនិត្យកម្មវិធី និងព័ត៌មានប្រព័ន្ធផ្សេងៗ។

Apple បញ្ចេញ iOS 15.5 និង iPadOS 15.5 ជាមួយមុខងារថ្មី និង bug fixes

Apple បញ្ចេញ iOS 15.5 និង iPadOS 15.5 ជាមួយមុខងារថ្មី និង bug fixes

ជាមួយនឹងការអាប់ដេតនេះ អ្នកប្រើប្រាស់នឹងសម្គាល់ឃើញមានប៊ូតុងមួយចំនួន ដែលដាក់ឈ្មោះថា “ស្នើសុំ (Request)” និង “ផ្ញើ(Send)” ដែលត្រូវបានបន្ថែមទៅក្នុង …