ឥឡូវនេះអ្នកប្រើប្រាស់អាចនាំយកប្រវត្តិសារនៅលើWhatsApp ដាក់នៅក្នុងTelegramបានហើយ
Telegram បានបន្ថែមសមត្ថភាពនាំយកប្រវត្តិសារ (chat history) របស់អ្នកប្រើប្រាស់ពី WhatsApp មកកាន់កម្មវិធីTelegram។

Written by Heaur

01/29/2021

Telegram បានបន្ថែមសមត្ថភាពនាំយកប្រវត្តិសារ (chat history) របស់អ្នកប្រើប្រាស់ពី WhatsApp។ នេះមានន័យថាអ្នកប្រើប្រាស់នឹងមិនបាត់បង់ការសន្ទនាពីមុនទេប្រសិនបើអ្នកចង់ប្តូរសេវាកម្មផ្ញើសារមកកម្មវិធីTelegram។ នៅលើប្រព័ន្ធប្រតិបត្តិការ iOS, មុខងារនេះអាចនឹងដំណើរបានជាមួយកំណែ 7.4, យោងតាមការចេញផ្សាយកាលពីម្សិលមិញដោយ 9to5Mac ។

Telegram បានប្រកាសជាបន្តបន្ទាប់ថា មុខងារនេះក៏មានសម្រាប់ប្រព័ន្ធប្រតិបត្តិការ Android ផងដែរ។ ទន្ទឹមនឹងកម្មវិធី WhatsApp, Chat Historyពីកម្មវិធីLine និង KakaoTalk ក៏អាចត្រូវបាននាំយកមកប្រើប្រាស់ជាមួយនឹងកម្មវិធីTelegramបានផងដែរ នេះបើយោងតាមTelegram ។ យើងបានផ្ទៀងផ្ទាត់ថា នៅលើប្រព័ន្ធប្រតិបត្តិការ iOS, អ្នកប្រើប្រាស់អាចទាញយកChat Historyពី WhatsApp ទៅកម្មវិធីTelegram ដោយត្រូវមានកំណែចុងក្រោយ (៧.៤.១) ដូចនេះ គេអាចនឹងបន្តការសន្ទនាបានធម្មតានៅគណនីTelegram។

ការបន្ថែមមុខងារនេះកើតឡើងនៅពេលដែល Telegram កំពុងរាយការណ៍អំពីការកើនឡើងយ៉ាងខ្លាំងនៃចំនួនអ្នកប្រើប្រាស់ ដោយឥឡូវនេះកម្មវិធីTelegram មានចំនួន អ្នកប្រើប្រាស់សកម្មជាង ៥០០ លាននាក់នៅទូទាំងពិភពលោក។ បុព្វហេតុនេះ កើតឡើងបន្ទាប់ពីគោលការណ៍ឯកជនថ្មីរបស់ WhatsApp ដែលធ្វើឱ្យមានការព្រួយបារម្ភអំពីភាពឯកជនភាព។ 

នេះគឺជាហេតុផងមួយ ដែលក្រុមហ៊ុន Telegram បានព្យាយាមស្រូបយកអ្នកប្រើប្រាស់របស់WhatsApp ដោយបានសម្រួលនូវការផ្ទេរChat History ពីWhatsApp ទៅ Telegram អោយកាន់តែងាយ និងមិនអោយមានឧបសគ្គច្រើនក្នុងការប្តូរ។

ដើម្បីធ្វើផ្ទេរChat history បាន, គេត្រូវចូលទៅកាន់Group​ Chat ឬ individual Chat

Android:

  • Three Dots => More => Export Chat => Telegram => ជ្រើសរើសគណីដៃគូរ​ => Import => Done

iOS

  • ចុចលើProfile => Export Chat => Telegram => ជ្រើសរើសគណី => Import => Done
Source: Filmoments

Source: www.theverge.com

ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖ 
CFU E-Sports League Cambodia
Web​៖ https://cfu-esports.com/ 
FB Page៖ CFU E-Sports League Cambodia     
YouTube​៖​ CFU E-Sports League Cambodia – YouTube

ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖

Related Articles

Microsoft បានបញ្ចប់ជីវិត Internet Explorer បាត់ទៅហើយ

Microsoft បានបញ្ចប់ជីវិត Internet Explorer បាត់ទៅហើយ

អ្នកប្រើប្រាស់ដែលព្យាយាមចូលប្រើ Internet Explorer ចាប់ពីថ្ងៃនេះ នឹងត្រូវបានបង្វែរទៅរក Microsoft Edge ដែលជាកម្មវិធីរុករកតាមអ៊ីនធឺណិតដ៏ទំនើបរបស់ក្រុមហ៊ុន …