ទូរស័ព្ទស្មាតហ្វូនបន្ទាប់របស់ក្រុមហ៊ុន Sony អាចនឹងទទួលបានកែវពង្រីកដែលមានអនុភាពជាងមុនដោយសារតែការលេចធ្លាយមួយចំនួនដែលបានបង្ហោះដោយOnLeaks។ កាមេរ៉ាខាងក្រោយរបស់ទូរស័ព្ទ Xperia 1 III មើលទៅដូចជាប្រហាក់ប្រហែលនឹងស្មាតហ្វូនជំនាន់មុនរបស់ខ្លួន។ ប៉ុន្តែប្រសិនបើអ្នកក្រឡេកមើលទៅកាមេរ៉ាខាងក្រោមវាមានលក្ខណៈពិសេសដែលមានរាងចតុកោណកែងស្របទៅនឹងការរចនាតាមបណ្តោយ។ ទូរស័ព្ទ Xperia ពីមុនបានផ្តល់ជូននូវកែវថត telephoto ស្តង់ដារជាមួយនឹងការពង្រីកអុបទិក 2x ឬ 3x ការរចនាថ្មីនេះអនុញ្ញាតឱ្យឈានដល់កាពង្រីកអុបទិក 5ដង ឬច្រើនជាងនេះដោយមិនបាត់បង់គុណភាពរូបភាព។
យោងតាមសារពត៌មាន OnLeaks ក៏បានរាយការណ៍ផងដែរថាទូរស័ព្ទ Xperia 1 III នឹងរួមបញ្ចូលទាំងប្រព័ន្ធ 5G ដែលជាតម្រូវការសម្រាប់ទូរស័ព្ទស្មាតហ្វូននៅឆ្នាំ ២០២១ ។ ទូរស័ព្ទ Xperia 1 III នឹងបំពាក់ដោយអេក្រង់ bezels ទំហំ ៦.៥ អ៊ីញគឺស្តើងណាស់ហើយក្រុមហ៊ុន Sony កំពុងប្រកាន់ភ្ជាប់ជាមួយនឹងសមាមាត្រ 21:9។ Xperia 1 III ក៏គួរតែរក្សាបាននូវរន្ធដោតកាស 3.5mm ក៏ដូចជារន្ធដោតកាត microSDXC ផងដែរ។
ថ្វីត្បិតតែ Sony ជាក្រុមហ៊ុនផលិតកាមេរ៉ាក៏ពិតមែន ប៉ុន្តែទូរស័ព្ទរបស់ Sony នៅតែដើរយឺតជាងស្មាតហ្វូនដទៃទៀតលើផ្នែកកាមេរ៉ា។
ប្រភព៖ .theverge
ដើម្បីស្វែងយល់អំពីពត៌មានបច្ចេកវិទ្យាថ្មីៗបន្ថែមសូមចូលទៅកាន់៖
Website: https://cfu-esports.com
Facebook៖ CFU E-Sports League Cambodia
YouTube៖ CFU E-Sports League Cambodia
