ក្រុមហ៊ុន Sony ដែលជាក្រុមហ៊ុនបង្កើតឧបករណ៍លេងហ្គេមដ៏មានប្រជាប្រិយបំផុតមួយដែលមានគម្រោងនឹងដាក់បង្ហាញម៉ាស៊ីនលេងហ្គេម PS5 (Play Station 5) នៅក្នុងខែវិច្ឆិកា ឆ្នាំ 2020 នេះ។ ប៉ុន្តែក្រុមក៏បានប្រាប់ដល់អ្នកគាំទ្រខ្លួនផងដែរថា PS5 អាចជាម៉ាស៊ីនលេងហ្គេមចុងក្រោយរបស់ខ្លួន នេះ​បើយោងតាមលោក Jim Ryan នាយកប្រតិបត្តិ PlayStation បានប្រាប់ Financial Times។

នេះអាចជាជំហានមួយរបស់ក្រុមហ៊ុនដើម្បីបញ្ឈប់អាជីវកម្មផលិតម៉ាស៊ីនលេងហ្គេមទាំងស្រុងដោយក្រុមហ៊ុននេះមានគម្រោងនឹងផ្លាស់ប្តូរការពីការផលិតឧបករណ៍លេងហ្គេមទៅជាសេវាកម្មបច្ចេកវិទ្យាហ្គេមតាមអនឡាញវិញ។ ដោយក្រុមហ៊ុនគិតថានេះជាពេលវេលាមួយដ៏ល្អបំផុតក្នុងការផ្លាស់ប្តូរខ្លួនទៅជាអាជីវកម្មហ្គេមតាមអនឡាញកំឡុងពេលមានជំងឺរាតត្បាតដែលធ្វើអោយអាជីវកម្មតាមអនឡាញមានការរីកចម្រើនពាសពេញពិភពលោក។ យោងតាមអ្នកវិភាគ Newzoo analysts ទីផ្សារ Game Console នឹងត្រូវបានគេរំពឹងទុកថាមានតម្លៃ ៤៥ ពាន់លានដុល្លារហើយតម្រូវការនៃការលេងហ្គេមតាមអនឡានកំពុងតែមានការចម្រើនខ្លាំងផងដែរ។

យោងតាមរបាយការណ៍ប្រសិនបើ PS5 ក្លាយឧបករណ៍លេងហ្គេមចុងក្រោយរបស់ក្រុមហ៊ុននោះក្រុមហ៊ុននឹងមានពេលវេលាដើម្បីផ្តោតលើការពង្រីកលើសេវាកម្មហ្គេមអនឡាញ។ ស្របពេលជាមួយគ្នានេះផងដែរប្រសិនបើក្រុមហ៊ុន Sony កំពុងតែបង្កើតសេវាកម្មហ្គេមអនឡាញរបស់ខ្លួន នោះវាអាចនឹងក្លាយជាការចាប់យកឱកាសដ៏ធំមួយពីអ្នកបណ្តាអ្នកលេងហ្គេមជាច្រើននៅលើ Google Stadia និង Amazon Luna ។ 

ទោះជាយ៉ាងណាក៏ដោយនៅកំឡុងពេលនេះក្រុមហ៊ុនសូនីនៅតែមិនទាន់ច្បាស់ថាតើនឹងជ្រើសរើសទីផ្សារហ្គេមអនឡាញ ឬក៏នៅតែរក្សាការផលិតឧបរណ៏លេងដូចដើមឬយ៉ាងណានោះទេ។ ព្រោះវាពិតជាលឿនពេកក្នុងការសម្រេចចិត្តក្នុងការប្រឡូកចូលក្នុងទីផ្សារហ្គេមអនឡាញសម្រាប់ក្រុមហ៊ុនសូនី តែទោះជាយ៉ាងក្រុមហ៊ុនយក្សមួយនេះសង្ឃឹមថានឹងនាំមកនូវអ្វីដែលថ្មីដើម្បីផ្តល់ជូនអ្នកគាំទ្ររបស់ខ្លួន។