ដូចដែលយើងបានដឹងរួចមកហើយថា ថ្មីៗកន្លងមកនេះ ក្រុមហ៊ុនទូរស័ទ្ទយក្សសហរដ្ឋអាមេរិកApple បានដាក់បង្ហាញទូរស័ព្ទ iPhone12 ស៊េរីថ្មីដោយរំពឹងថានឹងទទួលបានលទ្ធផលយ៉ាងច្រើនពីការលក់iPhone5Gនេះ។ ក៏ប៉ុន្តែ គេមិនបំភ្លេចបានទេថា iPhone12 នេះបានបំពាក់ដោយបន្ទះឈីបA14 Bionic ប្រភេទថ្មីបំផុត ដែលអនុញ្ញាតអោយiPhone ដំណើរការនូវកម្មវិធីធំៗបានល្អនិងមានល្បឿងលឿនជាងជំនាន់មុនៗផងដែរ។  យោងតាមក្រុមហ៊ុនApple បានលើកឡើងថាបន្ទះឈីបA14 Bionicនេះ  អាចអោយiPhone12 ថតវីដេអូដែលនៅដូចក្នុងឧស្សាហកម្មភាពយន្តហើយមានកម្រិតក្រាហ្វិចច្បាស់ខ្លាំងជាងទូរស័ព្ទជំនាន់មុនៗ។ មិនត្រឹមតែប៉ុណ្ណោះ បន្ទះឈីបA14 នេះ អាចអោយគេបង្កើនភាពច្បាស់លើរូបថត និងអាចលេងហ្គេមវីដេអូដែលមានក្រាហ្វិចធំបានយ៉ាងរលូន ហើយនឹងប្រើបា្រស់ថាមពលថ្មតិចជាងមុន។ បន្ទះឈីបនេះមានរាងតូចបួនជ្រុង ដែលត្រូវបានបំពាក់់ក្នុងទូរស័ព្ទ វាមិនមានសំលេងរំខាន មិនធ្វើអោយទូរស័ទ្ទឆាប់ក្តៅ ព្រមទាំងបង្កើនលឿនដំណើរការរបស់ទូរស័ទ្ទបានយ៉ាងល្អផងដែរ។