នេះជាលក្ខណៈសម្បត្តិរបស់ Galaxy S21 Series ទាំង 3 ម៉ូឌែលដែល ទើបដាក់បង្ហាញ

ការចេញលក់ Galaxy S21 គឺនៅសល់តែប៉ុន្មានខែទៀតប៉ុណ្ណោះ

Written by Dorn Visal



11/17/2020



News | Smart Phone | Technology

ដូចគ្នាទៅនឹងស៊េរី Galaxy S20 ដែរ គឺGalaxy S21 បានចេញមកមានបីម៉ូដែលមានដូចជា Galaxy S21, Galaxy S21 +, និង Galaxy S21 Ultra ដែលមានកូដសម្គាល់ O1, T2, និង P3 ។ ហើយខាងក្រោមនេះជាលក្ខណៈសម្បត្តិរបស់ទូរស័ព្ទសេរី Galaxy S21 ទាំងបីម៉ូដែល៖

ពណ៌

ចំពោះពណ៌វិញ Galaxy S21 ផលិតមកមានពណ៌ Phantom Violet, Phantom Gray, Phantom White និង Phantom Pink ហើយ Galaxy S21 + មានជម្រើសពណ៌ដូចជា Phantom Silver, Phantom Black និង Phantom Violet ចំណែក Galaxy S21 Ultra វិញមានពណ៌ដូចជា Phantom Silver និង Phantom Black ។ ហើយGalaxy សេរីថ្មីទាំង 3 ម៉ូឌែលនេះអាចនឹងដំណើរការដោយ One UI 3.1 ផងដែរ។

អេក្រង់

Galaxy S21 បំពាក់មកជាមួយអេក្រង់ទំហំ 6.2 អ៊ីញ ខណៈពេលដែលម៉ូឌែល S21+ វិញ មានទំហំអេក្រង់ 6.7 អ៊ីញ ហើយអេក្រង់ទាំងពីរម៉ូឌែលគឺមានកម្រិត Refresh Rate 120Hz និងកម្រិតបង្ហាញ FHD+ ដដែល។ ចំពោះ Galaxy S21 Ultra វិញវាមានអេក្រង់ប្រសើរជាងគេ គឺវាអាចនឹងមានអេក្រង់ទំហំ 6.8 អ៊ីញ ជាមួយកម្រិតបង្ហាញ WQHD+ និងកម្រិត Refresh Rate 120Hz ជាពិសេសនោះ វាក៏មានប្រើប្រាស់បច្ចេកវិទ្យា LTPO ទៀតផង។ មិនត្រឹមតែប៉ុណ្ណឹងទេ អេក្រង់នៅលើម៉ូឌែល Ultra ក៏មានមុខងារដែលអាចឲ្យកម្រិត Refresh Rate កែប្រែតាមកាលៈទេសៈពី 1Hz ទៅដល់ 120Hz, មានកម្រិតពន្លឺឡើងដល់ទៅ 1,600 nits ក៏ដូចជាមាន Contrast Ratio ដល់ 3,000,000:1 ផងដែរ។

កាមេរ៉ា

កាមេរ៉ាថតនៅលើ Galaxy S21 និង Galaxy S21 + ត្រូវបានគេរាយការណ៍ថាដូចគ្នាទៅនឹងស៊េរី Galaxy S20 ដែរ ដែលមានបំពាក់នូវ Main Camera 12MP, Telegphoto 64MP និងLens ultrawide 12MP។ ចំណែកម៉ូឌែល Ultra វិញមានការមេរ៉ាប្រសើរជាងគេ ដោយវាអាចនឹងមានប្រើប្រាស់លេនគោលទំហំ 108MP ជាSensor ថ្មី, ជាមួយនឹង Ultra-Wide ទំហំ 12MP និង 2 គ្រាប់ទៀតគឺជាលេនពង្រីក ដែលមួយអាចជាលេន Telephotos ទំហំ 10MP អាចពង្រីកបាន 3 ដងបែប Optical រីឯមួយគ្រាប់ទៀតជាលេន Telephotos ជំនាន់ថ្មីទំហំ 10MP ដូចគ្នាដែលអាចពង្រីកបានដល់ទៅ 10 ដង។

កំលាំងម៉ាស៊ីន

ក្រុមហ៊ុន Samsung នឹងប្រើបន្ទះឈីប ឈីប Snapdragon 875 និង Exynos 2100 ដែលធ្វើអោយថ្មកាន់បានយូរ។ ទាំង Exynos 2100 និង Snapdragon 875 សុទ្ធតែជាបន្ទះឈីបដែលអាចប្រើប្រាស់ 5G ហើយវានឹងមាន 5G បំពាក់នៅរាល់ម៉ូឌែល Galaxy S21 ដូចគ្នានឹង S20 ដែរ។ ក្រៅពីនេះវាក៏អាចនឹងមានបំពាក់ជាមួយ Bluetooth 5.1, Wi-Fi 6 (សម្រាប់ម៉ូឌែល S21 និង S21+) ចំណែកម៉ូឌែល Ultra គឺបំពាក់ដោយ Wi-Fi 6E។

កំលាំងថ្ម

សម្រាប់Galaxy S21 អាចនឹងបំពាក់ដោយថ្មទំហំ 4,000mAh និង Galaxy S21 Plus មានទំហំ 4,800mAh ចំណែកម៉ូឌែល Galaxy S21 Ultra មានថ្មទំហំ 5,000mAh។ ស្រោបលើ Android 11 ចេញពីប្រអប់តែម្ដង។