នេះជារូបផ្ទាល់ដំបូងរបស់ Samsung Galaxy Z FLIP 4 ដែលនឹងមកដល់
Galaxy Z Flip 4 ត្រូវបានគេរាយការណ៍ថានឹងទទួលបានអេក្រង់ដែលអាចបត់បានដែលមានទំហំ 6.7 អ៊ីញ។ ដូចដែលអ្នកបានឃើញនៅក្នុងរូបភាព អេក្រង់នេះមាន ...

Written by Vichea

06/13/2022

ប្រភពអនឡាញបានផ្សព្វផ្សាយរូបថតផ្ទាល់នៃស្មាតហ្វូន Galaxy Z Flip 4 ជាទម្រង់ clamshell ដែលត្រូវបានគេរំពឹងថា Samsung នឹងបង្ហាញជាផ្លូវការនៅក្នុងខែសីហាឆ្នាំនេះ។

Galaxy Z Flip 4 ត្រូវបានគេរាយការណ៍ថានឹងទទួលបានអេក្រង់ដែលអាចបត់បានដែលមានទំហំ 6.7 អ៊ីញ។ ដូចដែលអ្នកបានឃើញនៅក្នុងរូបភាព អេក្រង់នេះមានបន្ទាត់បត់ស្ទើរតែមើលមិនឃើញទៅហើយ។ ទោះយ៉ាងណាក៏ដោយ នៅពេលដែលបត់បិទ វានៅតែមានគម្លាតបន្តិចនៅចន្លោះកណ្ដាលដដែល។

ទំហំនៃអេក្រង់តូចខាងក្រៅនឹងកើនពី 1.9 ទៅ 2.1 អ៊ីង បើប្រៀបធៀបទៅនឹងជំនាន់មុនរបស់វា។ សមត្ថភាពថ្មក៏នឹងកើនឡើងផងដែរ ពី 3300 ទៅ 3700 mAh ។ ការសាកថ្មលឿន 25W ក៏មានផងដែរសម្រាប់ Z Flip 4។

គួរបញ្ជាក់ផងដែរថា ប្រព័ន្ធកាមេរ៉ាសំខាន់របស់ Galaxy Z Flip 4 នឹងមិនផ្លាស់ប្តូរទេ។ Z Flip 4 បំពាក់មកជាមួយ Sensor កាមេរ៉ាទំហំ 12 មេហ្គាភិចសែលចំនួនពីរដែលតម្រង់ជួរបញ្ឈរ។ សម្រាប់កាមេរ៉ា Selfie នឹងមាន 10 មេហ្គាភិចសែល។ ឧបករណ៍ស្កែនក្រយៅដៃមានទីតាំងនៅផ្នែកខាងស្ដាំដដែល។

លើសពីនេះ Galaxy Z Flip 4 នឹងបំពាក់មកជាមួយបន្ទះឈីប Snapdragon 8+ Gen 1 ដែលបង្កើតឡើងដោយ Qualcomm ។ បន្ទះឈីបនេះរួមបញ្ចូលគ្នានូវស្នូលចំនួនប្រាំបី រួមទាំងស្នូល Kryo Prime ដែលមានអនុភាពខ្លាំងជាមួយនឹងល្បឿនរហូតដល់ 3.2 GHz ។ វាក៏មានភ្ជាប់មកជាមួយម៉ូដឹម Snapdragon X65 5G ផងដែរ។

គួរបញ្ជាក់ផងដែរថា Galaxy Z Flip 3 បច្ចុប្បន្នមានជម្រើសអង្គផ្ទុកទិន្នន័យ 128GB និង 256GB។ ប៉ិន្តែសម្រាប់ស្មាតហ្វូន Galaxy Z Flip 4 នឹងបន្ថែមមួយជម្រើសទៀតគឺអង្គចងចាំ 512 GB ។

លក្ខណៈសម្បត្តិរបស់ SAMSUNG GALAXY Z FLIP 4

  • អេក្រង់គោលទំហំ 6.7 អ៊ីង កម្រិត FHD+ ប្រភេទ Dynamic AMOLED 2X Display ជាមួយ 120Hz adaptive refresh rate
  • អេក្រង់ខាងក្រៅទំហំ 2.1 អ៊ីញកម្រិត HD+ ប្រភេទ AMOLED
  • បន្ទះឈីប Qualcomm Snapdragon 8+ Gen 1 (4nm)
  • RAM 8GB LPDDR5, អង្គផ្ទុកទិន្នន័យ 256GB / 512GB (UFS 3.1)
  • ប្រព័ន្ធប្រតិបត្តិការ Android 12 ជាមួយ One UI 4.1
  • ស៊ីមពីរ (ណាណូ + អ៊ីស៊ីម)
  • កាមេរ៉ាខាងក្រោយទំហំ 12MP ជាមួយ LED Flash, OIS, 12MP Ultra Wide sensor
  • កាមេរ៉ាមុខ 10MP
  • ឧបករណ៍បំពងសម្លេងស្តេរ៉េអូ Dolby Atmos
  • ឧបករណ៍ចាប់សញ្ញាស្នាមម្រាមដៃដែលភ្ជាប់នៅចំហៀង
  • 5G SA/NSA, Sub6/mmWave, Dual 4G VoLTE, Wi-Fi 802.11 6E (2.4/5GHz), Bluetooth 5.2 LE, Ultra Wide Band, GPS ជាមួយ GLONASS, USB Type-C (Gen 3.2), NFC, MST
  • ថាមពលថ្ម 3700mAh ជាមួយនឹងការសាកថ្មឥតខ្សែ 25W និង 10W (WPC និង PMA) និងការសាកឥតខ្សែទៅឧបករណ៍ផ្សេងទៀត 4.5W។

ប្រភព៖ Gizchina

ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖

Related Articles

Microsoft បានបញ្ចប់ជីវិត Internet Explorer បាត់ទៅហើយ

Microsoft បានបញ្ចប់ជីវិត Internet Explorer បាត់ទៅហើយ

អ្នកប្រើប្រាស់ដែលព្យាយាមចូលប្រើ Internet Explorer ចាប់ពីថ្ងៃនេះ នឹងត្រូវបានបង្វែរទៅរក Microsoft Edge ដែលជាកម្មវិធីរុករកតាមអ៊ីនធឺណិតដ៏ទំនើបរបស់ក្រុមហ៊ុន …