កន្លងមកនេះមានពាក្យចចាមអារាមជាច្រើនទាក់ទងនឹងការឈប់ផលិតទូរស័ព្ទដៃ Galaxy Note ដោយខ្លះបានអះអាងថាទូរស័ព្ទម៉ូឌែលនេះពិតជាត្រូវបានក្រុមហ៊ុនដកចេញពីបញ្ជីនៃការផលិតរបស់ខ្លួន ដោយក្រុមហ៊ុនគ្រោងនឹងផ្តោតទៅទូរស័ព្ទម៉ូឌែលផ្សេងវិញ។ ទោះបីជាយ៉ាងណាក្តី ក្រុមហ៊ុនបានច្រានចោលនូវការលើកឡើងខាងលើ។
ក្រុមហ៊ុន Samsung គ្រោងនឹងបង្ហាញត្រកូល Galaxy S21 នៅខែក្រោយនេះ ហើយយើងបានទទួលរបាយការណ៍ជាច្រើនទាក់ទងនឹង S21 Ultra និង Z Fold3 បន្ទាប់ពីវាទទួលគំាទ្រប៊ិច S Pen របស់ស្មាតហ្វូន Galaxy Note ។ ទោះយ៉ាងណា បើតាមរបាយការណ៍ពីប្រទេសកូរ៉េខាងត្បូងមួយដែលដកស្រងសម្តីមន្ត្រីជាន់ខ្ពស់របស់ក្រុមហ៊ុនគឺ លោកTM Roh ដែលប្រធានអាជីវកម្មទូរស័ព្ទចល័តនៅSamsung បានលើកឡើងថា ក្រុមហ៊ុនសូមធ្វើការទាត់ចោលនូវពាក្យចចាមអារាមដែលថា ក្រុមហ៊ុននឹងឈប់ផលិតទូរស័ព្ទដៃ Galaxy Note តទៅទៀត។ ក៏ប៉ុន្តែក្រុមហ៊ុននឹងបន្តផលិតទូរស័ព្ទដៃត្រកូល Galaxy Note និងចេញលក់នៅឆ្នាំក្រោយផងដែរ។
បន្ថែមពីនេះ លោកTM Roh បានបន្តទៀតថា បទពិសោធរបស់ Galaxy Note អាចត្រូវបានអនុវត្តចំពោះផលិតផលជាច្រើន ប៉ុន្តែនេះមិនមានន័យថា Galaxy Note ខ្លួនវាកំពុងតែឈានដល់ទីបញ្ចប់នោះទេ។ យ៉ាងណាមិញ គេនៅមិនទាន់ដឹងច្បាស់ថា ខ្សែរស្រឡាញ Galaxy Note ជំនាន់ក្រោយនឹងត្រូវបានក្រុមហ៊ុនកែប្រែ ឬផ្លាស់ប្តូរចំណាត់ថ្នាក់ទាបជាងមុនដែឬរទេ។
Source: www.gsmarena.com
ដើម្បីអានពត៌មានបច្ចេកវិទ្យាថ្មីបន្ថែម៖ https://cfu-esports.com/ ឬ ចូលទៅកាន់ FB Page៖ CFU E-Sports League Cambodia
