ថ្មីៗនេះ Realme បានប្រកាសចេញលក់ទូ​រស័ព្ទស្មាតហ្វូនសេរីថ្មីមួយប្រភេទដែលមានលក្ខណៈពិសេសជាច្រើនទាំងតម្លៃ និងគុណភាព គួរអោយកត់សម្គាល់ នោះគឺ Realme 7 Pro។ ទូរស័ព្ទស្មាតហ្វូន Realme កំពុងមានការចាប់អារម្មណ៍ខ្លាំងពីបណ្តាអ្នកប្រើប្រាស់ជាច្រើនដោយក្រុមហ៊ុន Realme តែងតែមានអ្វីដែលថ្មីរៀងរាល់ 6ខែម្តង។

ហើយថ្មីៗនេះ Realme បានចេញលក់ទូរស័ព្ទស៊េរី 7 ថ្មីតាមពេលវេលាកំណត់នោះគឺRealme 7 Pro និង Realme 7 ហើយថ្ងៃនេះក្រុមការងារយើងខ្ញុំនិងលើកយកទូរស័ព្ទRealme 7 Pro មកបង្ហាញអំពីលក្ខណៈពិសេសជាច្រើន ដែលមានការផ្លាស់ប្តូរ មកបង្ហាញដល់អ្នកទាំងអស់គ្នា ជាដំបូងគឺ Unboxing

ការបើកសំបក Unboxing

Realme 7 Pro បានធ្វើការវេចខ្ចប់ក្នុងប្រអប់ពណ៍លឿងយ៉ាងមានភាពទាក់ទាញ ដោយក្នុងប្រអប់នោះក្រៅពីទូរស័ព្ទ Realme 7 Pro ដ៏ស្រស់ស្អាតក៏មានភ្ជាប់មកជាមួយនូវឆ្នាំសាកថ្មល្បឿនលឿន Supper Dart 65W និង ខ្សែរសាក USB-C ដែលជាប្រភេទខ្សែរសាកដែលមានសមត្ថភាពអាចសាកថ្មបានលឿន និងមានភ្ជាប់មកបន្ថែមទៀតដូចជាស្រោមទូរស័ព្ទភ្លឺថ្លាមួយ និងប្រដាប់ចាក់ស៊ីមមួយ អមដោយវិធីប្រើប្រាស់ manual guide ជាពិសេសនោះគឺមានប័ណ្ណធានាពីក្រុមហ៊ុន Realme ផងដែរ។

ការរចនាបែបទាន់សម័យ

ជាដំបូងយើងនិយាយអំពីរចនាបថរបស់ Realme 7 Pro ដែលវាបង្កើតឡើងមក មានពីរពណ៍ដែលអ្នកទាំងអស់គ្នាអាចជ្រើសរើសគឺ Mirror Blue និង Mirror Silver  ហើយវាមានខ្សែឆ្នូតមួយអូសចំកណ្តាលកាំមេរ៉ាដែលមើលទៅសាមញ្ញជាងមុន  កញ្ចក់ផ្នែកខាងក្រោយធ្វើអំពី Polycabonate សាច់គ្រឿម មានភាពហាប់ណែន ធន់ល្អ ងាយស្រួលកាន់ប្រើប្រាស់ និងមិនប្រឡាក់ក្រយ៉ៅដៃ មានកម្រាស់ 7.8mm ទម្ងន់ត្រឹមតែ182gប៉ុណ្ណោះ លើសពីនេះ Realme 7 Pro មាន Layer បីស្រាប់សម្រាប់ការពារការជ្រាបទឹក ក្នុងកម្រិតស្រាលផងដែរ។

អាចដាក់ស៊ីមពីរ រីឯរន្ធដោតកាសមានទំហំ 3,5mm ព្រមទាំងប្រើUSB ប្រភេទ C ដែលជាប្រភេទ USB អាចសាកថ្មបានលឿន និង មានបំពាក់ឧបករណ៍បំពងសំឡេងបែប Stereo 2គ្រាប់ ហើយបាសពីរោះលឺសំឡេងខ្លាំងជាងមុនដល់ទៅពីរដង បន្ថែមដោយការរចនា Power Button បង្កប់ជាបន្ទាប់ពណ៌មាសមើលទៅទាន់សម័យ និង ស៊ីវិល័យមែនទែន។

Right Power Button

OA Terminal

Valume Button , Sim Card & Micro SD Card

Three slot with two SIM Card and one Micro SD Card

អេក្រង់

Realme 7 Pro បានបំពាក់ដោយអេក្រង់​ Super AMOLED ទំហំ 6.4អ៊ីញ ដែលមានកម្រិតបង្ហាញ Full HD+  អមជាមួយអេក្រង់ Refresh 60hz , Color :SRGB  និងមានមុខងារស្កេនស្នាមម្រាមដៃលើអេក្រង់នៅចំចំណុចកណ្តាលផ្នែកខាងក្រោមផងដែរ ទាំងអស់នេះជាចំណុចពិសេសជាងបើធៀបទៅនឹងទូរស័ព្ទផ្សេងៗដែលមានតម្លៃប្រហាក់ប្រហែល។

កំលាំងម៉ាស៊ីន

ចំពោះកំលាំងវិញRealme 7 Pro ក៏បានធ្វើការបំពាក់នូវបន្ទះឈីបQualcomm Snap Dragon 720G ទំហំ 8nm អមដោយ RAM 8G រីឯទំហំផ្ទុករហូតដល់ 128GB និងអាចបន្ថែម MicroSD Card បន្ថែមទៀត ព្រមទាំងប្រើ GPU Adreno 618 និងប្រតិបត្តិការOS: Adroid 10 ដែលធ្វើអោយទូរស័ព្ទនេះមានសមត្ថភាពអាចលេងកំពុងល្បីៗជាច្រើនបានដូចជា Mobile Legend, PUBG, FreeFire… ប្រកបដោយរលូន។​

Playing Mobile Legend With Realme 7 Pro

រីឯការរចនាលំដាប់កំពូលរបស់ Realme UI ក៏ផ្តល់ជូនផ្ទាំង Homesreen មានភាពស្រឡះ មិនស្មុកស្មាញ និងមានភាពងាយស្រួលក្នុងការប្រើប្រាស់ផងដែរ។

កាំមេរ៉ា

ចំពោះកាំមេរ៉ា Realme 7 Pro  បានភ្ជាប់មកជាមួយកាមេរ៉ាមុខចំនួនមួយគ្រាប់ទំហំ 32MP ជាប្រភេទកាមេរ៉ាទម្លុះលើអេក្រង់ដែលស្ថិតនៅខាងលើផ្នែកខាងឆ្វេង និងកាំមេរ៉ាក្រោយចំនួនបួនគ្រាប់ដែលតម្រៀបគ្នាជាជួរឈរបីគ្រាប់ និងមួយគ្រាប់ទៀតស្ថិតនៅខាងស្តាំបន្តិចដែលមានទំហំតូចជាងគេព្រមទាំងមានFlash មួយគ្រាប់ផងដែរ។

ហើយកាមេរ៉ាទីមួយជាប្រភេទ Lens ultrawide-angle Lens 8MP ដែលអាចថតទេសភាពបែបចម្រុះជាច្រើនដូចជា ការថតរូបមានមនុស្សច្រើន ថតទេសភាពព្រៃឈើ ទីក្រុង ជាប្រភេទរូបភាពមានផ្ទៃធំ ចំពោះកាមេរ៉ាធម្មតា (Camera Photo) មានការកំណត់កម្រិត Zoom 1x, 2x, 5x ហើយនៅតែរក្សាកម្រិតច្បាស់ ។

Wide-angle lens, Zoom 1x, Zoom 2x, Zoom 5x

កាមេរ៉ាទី 2 ជា Lens ដែលអាចថតបានទំហំធំ និងច្បាស់ 64MP ដែលអនុញ្ញាតអោយប្តូរទៅជា Pro ឬ Ai ដែល Pro កាមេរ៉ាអាចកំណត់ ISO, WB, Shutter Speed, Aputure ដូចទៅនឹងកាមេរាProfessionl ផងដែរ រីឯ Ai កាមេរ៉ាជាកាមេរ៉ាដែលជួយលើកសម្រស់រូបភាពអោយកាន់តែច្បាស់ និងមានពន្លឺគ្រប់គ្រាន់ដោយស្វ័យប្រវត្តិ។

64MP Photo

កាមេរ៉ាទី3 ជា Lens Portrait មានទំហំ 2MP អាចថតរូបភាព Focus បានច្បាស់ល្អឥតខ្ចោះ។

Portrait Photo

និងកាមេរ៉ាទី4 ជាLens Macro សម្រាប់ថតរូបភាព Close up ដែលអាចថតរូបភាពជិតខ្លាំង រូបភាពភាគ ល្អិតតូចៗដូចជា កូនរុក្ខជាតិ​ សត្វល្អិត  ក្នុងកម្រិតរូបភាពច្បាស់ល្អទំហំ 2MP។

Micro Lens Photo

និងមុខងារ Night mode ដែលអាចអោយថតរូបនៅទីងងឹតបានច្បាស់ល្អផងដែរ ។

ហើយកាន់តែពិសេសនោះគឺ Realme 7 Pro ក៏មានមុខងារថតរូបភាពបែប Expert ដែលអនុញ្ញាអោយកែសម្រួលពន្លឺផ្សេងៗបានតាមការចង់បានដែលអ្នកឯកទេសថតហៅថា ISO ( 100-6400 )

shutter speed (1/8000s-32s), Exposure និង WB ជាដើមដែលជាចំណុចពិសេសដែលមិនធ្លាប់មាននៅក្នុងកាមេរ៉ាទូរស័ព្ទដទៃទៀតដែលមានតម្លៃប្រហាក់ប្រហែល។

Expert Camera Photo

លើសពីនេះក៏មានមុខងារថតជាច្រើនទៀតដូចជា Time-lapse ដែលជាមុខងារថតពេលវេលាដែលបង្ហាញមកមានសកម្មភាពលឿន ថតSlow motion ដែលជាមុខងារថតវីដេអូខ្លីហើយមានសកម្មភាពយឺតៗ

មុខងារថតវីដេអូបែបសាច់រឿង Movie , ថតរូប panorama, Ultra Macro, Text Scanner, និង Google Lens ជាដើម។

Selfie Photo 2MP

Panorama Photo

មុខងារថតវីដេអូរ

បន្ថែមអំពីមុខងារសំខាន់របស់កាមេរ៉ា Realme 7 Pro គឺមុខងារថតវីដេអូរបែបសាច់រឿង ដែលអាចអោយការថតវីដេអូនានាកាន់តែងាយស្រួល និងទទួលបានវីដេអូដែលមានគុណភាពដែលមានមុខងារថត Video Focus បានច្បាស់ល្អ អាចកែពណ៌ នឹងពន្លឺទៅតាមការចង់បាន ជាមួយនឹងមុខងារទប់លំនឹងមិនអោយវីដេអូមានភាពរំខាន ឬញ័រ ដោយមិនចាំបាច់ប្រជើងទម្រ (Tripod) ឡើយ។

Expert Video Camera Mode

ថ្ម និងឆ្នាំងសាក

សម្រាប់ថាមពលថ្មរបស់ Realme 7 Pro វិញមានថាមពលទំហរហូតដល់ 4,500mAh និងបានបំពាក់បច្ចេកវិទ្យាសាកថ្មល្បឿនលឿន Super Dart កំលាំង 65W ដែលសាកថ្មពី 0-100% ជាមួយខ្សែ USB-C ប្រើរយៈពេលសាកថ្មត្រឹមតែ 34នាទីតែប៉ុណ្ណោះ។ ចំពោះការប្រើប្រាស់វិញយោងតាមការTest ផ្ទាល់ទៅលើ ការមើល YouTube លេងហ្គេម Mobile Legend Bang Bang និងការថតវីដេអូដែលមានទំហំ 1080p, 16mbps រយៈពេលមួយម៉ោងដូចគ្នាឃើញថាការមើលវីដេអូលើ YouTube រយៈពេលមួយម៉ោងវាស៊ីថ្មត្រឹមតែ 5%  ហើយលេងហ្គេម Mobile Legend Bang Bang ស៊ីថ្មត្រឹមតែ 8% និងការថតវីដេអូដែលមានទំហំ 1080p, 16mbps វិញស៊ីថ្មអស់ 26% ដែលជាចំណុចមួយដែលអ្នកចូលចិត្តលេងហ្គេម នឹងមើលវីដេអូនានាចាប់អារម្មណ៍ខ្លាំងទៅលើទូរស័ព្ទ Realme 7 Pro។

Super Dart 65W, Fast Charge

ដោយឡែកឆ្នាំងសាក Super Dart Charge នេះគឺមានមុខងារសាកថ្ម ល្បឿនលឿនដែលអាចប្រើប្រាស់បានទូទាំងពិភពលោកផងដែរ ។

Charger Voltage

Super dart Charger Size

Internet និង Bluetooth

Realme​ 7 Pro បានបំពាក់បច្ចេកវិទ្យា Internet 4G LTE ដែលមានល្បឿនលឿនអាចមើលYoutube, Facebook និងលេងGameផ្សេងៗបានរលូនល្អ និងអាចប្រើស៊ីមពីរ រីឯ Bluetoothវិញ Realme 7 Pro មានបំពាក់បច្ចេកវិទ្យ Bluetooth 5.1 ដែលជាបច្ចេកវិទ្យាចុងក្រោយរបស់ប៊្លូធូសដែលអនុញ្ញាតឱ្យអ្នកផ្លាស់ប្តូរទិន្នន័យដូចជាវីដេអូ រូបភាព រវាងឧបករណ៍ដែលមានចម្ងាយឆ្ងាយពីគ្នាបានលឿន។

តម្លៃ

ស្មាតហ្វូនជំនាន់ថ្មី realme 7 Pro ត្រូវបានក្រុមហ៊ុនប្រកាសចេញលក់ជាមួយជម្រើសពីរពណ៌គឺ Mirror Silver និងMirror Blue ដែលមាន RAM 8GB  និងទំហំផ្ទុក 128GB។ ហើយសម្រាប់តម្លៃរបស់វាសមរម្យបំផុតគឺត្រឹមតែ $369 ដែលបានផ្តល់ជូននូវមុខងារពិសេសៗជាច្រើន។

Antutu

Antutu គឺជាការធ្វើតេស្តដើម្បីវាស់ល្បឿនទៅតាមការអនុវត្តន៍វិញ្ញាសារផ្សេងៗគ្នារបស់Smart Phone នីមួយៗ និងផ្តល់ពិន្ទុក្នុងករណីនីមួយៗដែលបង្ហាញអំពីដំណើរការរបស់វា។ហើយខាងក្រោមនេះគឺជាពិន្ទុនៃការធ្វើតេស្ត Antutu របស់ទូរស័ព្ទ Realme 7 Pro និងតារាងប្រៀបធៀបជាមួយទូរស័ព្ទដែលមានតម្លៃប្រហាក់ប្រហែល។

ប្រភព៖ unite4buy

3D Mark

3DMark គឺកម្មវីធីទូរស័ព្ទសម្រាប់ធ្វើការតេស្ត GPU  និងដំណើរការ CPU នៃទូរស័ព្ទSmart Phone ហើយនៅចុងបញ្ចប់នៃការធ្វើតេស្តអ្នកទទួលបានពិន្ទុ ។ ចំពោះការតេស្ត 3D Mark ទៅលើទូរស័ព្ទ Realme 7 Pro ស្ថិតនៅលំដាប់លេខ 163 ដោយទទួលបានពិន្ទុ 779។

image source: cfu-esport league

សរុបសេចក្តី

សរុបមកទូរស័ព្ទ Realme 7 Pro ជាទូរស័ព្ទដែលមានគុណសម្បត្តិច្រើនគ្រប់គ្រាន់ដែលសាកសម្យជាមួយអ្នកចូលចិត្តប្រើប្រាស់សម្រាប់លេងហ្គេម ថតវីដេអូបែបសាច់រឿង ថតរូបភាពបែប Professional និងមើលវីដេអូ YouTube, FaceBook បានច្បាស់ល្អដោយវាបំពាក់ដោយអេក្រង់Super AMOLED ទំហំ 6.4អ៊ីញ ដែលមានកម្រិតបង្ហាញ Full HD+  អមជាមួយអេក្រង់ Refresh 60hz  ព្រមទាំងមានតម្លៃប្រកួតប្រជែងដែលអមមកជាមួយមុខងារពិសេសៗជាច្រើនដែលទូរស័ព្ទមានតម្លៃប្រហាក់ប្រហែលមិនទាន់មាន ទាំងរូបរាងរចនាមកបានស្រស់ស្អាតនិងពណ៍ស៊ីវិល័យ មានកាមេរ៉ា៤គ្រាប់ថតបានច្បាស់ថែមទាំងមានមុខងារExpert Camara ឆ្នាំងសាកថ្មSupper Dart សាកថ្មបានលឿនប្រើបានរយៈពេលយូរ និងកំលាំងរបស់វាប្រើបន្ទះឈីបQualcomm Snap Dragon 720G  អមដោយ RAM 8G ទំហំផ្ទុករហូតដល់ 128GB ប្រើ Sim 2 និងអាចបន្ថែម MicroSD Card ព្រមទាំងប្រើ GPU Adreno 618 និងប្រតិបត្តិការOS: Adroid 10  គឺពិតជាគួរអោយចាប់អារម្មណ៍ និងទាក់ទាញមែនទែនសម្រាប់កញ្ចប់តម្លៃចន្លោះពី 300$ ទៅ400$ ទូរស័ព្ទ Realme 7 Pro គឺសាកសម្យបំផុតដែលនាំមកនូវលក្ខណៈពិសេសដូចដែលបានរៀបរាប់ខាងលើនេះ។

ដើម្បីអានពត៌មានបច្ចេកវិទ្យាថ្មីបន្ថែម៖ https://cfu-esports.com/ ឬ ចូលទៅកាន់ FB Page៖ CFU E-Sports League