Razer Blade 15 មកជាមួយអេក្រង់ OLED 240Hz និង CPU Intel i9 12th gen
Razer បានបញ្ចេញកុំព្យូទ័រ Blade 15 ថ្មីមួយដែលវាជាកុំព្យូទ័រយួរដៃដំបូងគេក្នុងពិភពលោកដែលមានអេក្រង់ OLED 240 Hz ។ កុំព្យូទ័រយីហោហ្គេមមួយនេះបាន ...

Written by Vichea

05/05/2022

Razer បានបញ្ចេញកុំព្យូទ័រ Blade 15 ថ្មីមួយដែលវាជាកុំព្យូទ័រយួរដៃដំបូងគេក្នុងពិភពលោកដែលមានអេក្រង់ OLED 240 Hz ។ កុំព្យូទ័រយីហោហ្គេមមួយនេះបានមកជាមួយបន្ទះឈីបថ្មីគឺ Intel Core i9-12900H ជំនាន់ទី 12។

Blade 15 មកជាមួយបន្ទះបង្ហាញដែលភ្ជាប់មកជាមួយគុណភាពបង្ហាញ QHD ហើយក្រុមហ៊ុនបានអះអាងថាវាមានអត្រាឆ្លើយតប (response rate) 1 ms ។ វាក៏បំពាក់មកជាមួយអេក្រង់ 100% DCI-P3 color gamut និងកម្រិតពន្លឺ 400 nits ។ ជាមួយបន្ទះឈីប Intel ដែលភ្ជាប់ជាមួយ GPU Nvidia RTX 3070 Ti (សម្រាប់កុំព្យូទ័រយួរដៃ) ហើយ RAM 32GB ប្រភេទ DDR5 និងអង្គផ្ទុកទិន្នន័យ 1TB SSD អាចធ្វើឲ្យ Razer Blade 15 ក្លាយជាកុំព្យូទ័រយួរដៃមួយដែលខ្លាំងក្នុងចំណោមកុំព្យូទ័រផ្សេងទៀត។ វាក៏មានរន្ធដោត M.2 បន្ថែមសម្រាប់ការផ្ទុកកាន់តែច្រើន និងរន្ធដោត micro SD នៅខាងស្តាំដៃផងដែរ។

Razer ក៏បានរក្សា vapor chamber cooling ព្រោះវាមានប្រសិទ្ធភាពខ្ពស់ជាង បំពង់កំដៅ (Heat pipe) ដែលមាននៅលើម៉ូដែលធម្មតាដែលដំណើរការដោយ Core i7 ។ លើសពីនេះទៀត ដោយសារតែអ្នកលេងហ្គេមចូលចិត្ត RGB ដូច្នេះក្រុមហ៊ុនក៏បានរក្សាមុខងារនេះឲ្យនៅតែមានដដែល។

បើតាមមើលពីលក្ខណៈពិសេសទាំង​អស់​នេះយើងជឿជាក់ថាកុំព្យូទ័រ​យួរ​ដៃនេះអាចនឹងមានសមត្ថភាពក្នុងការអូសការងារធ្ងន់ៗជាច្រើនផងដែរ។ កុំព្យូទ័រ​យួរ​ដៃនេះនឹង​ត្រូវ​បានដាក់លក់​នៅ​ដើម​ត្រីមាស​ទី 4 ឆ្នាំ 2022 ដែលត្រូវនឹងពេល Black Friday និង Christmas។ Blade 15 ត្រូវបានកំណត់លក់ក្នុងតំលៃ $ 3,499.99 ។

ប្រភព៖ GSMArena

ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖

Related Articles

ការធ្វើបច្ចុប្បន្នភាព Windows 10 រារាំងកម្មវិធី Event Viewer ហើយអាចបណ្តាលឱ្យបាត់បង់ទិន្នន័យ

ការធ្វើបច្ចុប្បន្នភាព Windows 10 រារាំងកម្មវិធី Event Viewer ហើយអាចបណ្តាលឱ្យបាត់បង់ទិន្នន័យ

កំហុសទូទៅបំផុតគឺការប៉ះពាល់ដល់កម្មវិធី Event Viewer ដែលជាកម្មវិធីរបស់ Windows 10 សម្រាប់ត្រួតពិនិត្យកម្មវិធី និងព័ត៌មានប្រព័ន្ធផ្សេងៗ។

Apple បញ្ចេញ iOS 15.5 និង iPadOS 15.5 ជាមួយមុខងារថ្មី និង bug fixes

Apple បញ្ចេញ iOS 15.5 និង iPadOS 15.5 ជាមួយមុខងារថ្មី និង bug fixes

ជាមួយនឹងការអាប់ដេតនេះ អ្នកប្រើប្រាស់នឹងសម្គាល់ឃើញមានប៊ូតុងមួយចំនួន ដែលដាក់ឈ្មោះថា “ស្នើសុំ (Request)” និង “ផ្ញើ(Send)” ដែលត្រូវបានបន្ថែមទៅក្នុង …