លោក Jim Ryan នាយកប្រតិបត្តិផ្នែកកំសាន្តរបស់ក្រុមហ៊ុនSony បាននិយាយថា តម្រូវការ PlayStation 5 ហាក់ដូចជា “គួរឱ្យកត់សម្គាល់” ដោយផ្អែកលើចំនួនការបញ្ជាទិញជាច្រើននៅសហរដ្ឋអាមេរិក។
លោក Ryan បាននិយាយទៅកាន់សារពត៌មានReuters អំពីតម្រូវការរបស់អតិថិជនទៅលើ PS5 កាលពីថ្ងៃទី ២៧ ខែតុលាថា“ PS5 មានតម្រូវការជាច្រើនដូចដែលបានបង្ហាញចំនួននៃការបញ្ជាទិញជាមុនពិតជាគួរឱ្យកត់សម្គាល់ណាស់” លោកបានបន្ថែមថាក្រុមហ៊ុន Sony ទទួលបានការបញ្ជាទិញ PS5s ជាច្រើនគ្រឿងក្នុងរយៈពេល ១២ ម៉ោងដំបូងនៃការបញ្ជាទិញនៅសហរដ្ឋអាមេរិក ដែលទិន្នន័យនេះស្មើនឹងការបញ្ជាទិញ PS4 រយៈពេលមួយសប្តាហ៍ឯណោះ ខណពេលដែលលោកមិនទាន់បានប្រាប់ជាក់លាក់អំពីតួលេខច្បាស់លាស់ណាមួយអំពីចំនួននៃការបញ្ជាទិញរបស់ PS5 នៅឡើយ។
ទាំងនេះបញ្ជាក់ថា PS5s មានសន្ទុះនិងតម្រូវការច្រើនជាង PS4s បើយោងតាមក្រុមហ៊ុន Sony។ លោកក៏បានបន្ថែមថាក្រុមហ៊ុន Sony កំពុងប្រឹងប្រែងធ្វើការជាខ្លាំងដើម្បីបំពេញតម្រូវការរបស់អតិថិជន។
