Blizzard បានប្រកាសកាលបរិច្ឆេទចាប់ផ្តើមសម្រាប់ Overwatch 2 beta កាលពីថ្ងៃអង្គារ។ បេតានឹងចាប់ផ្តើមនៅថ្ងៃទី 28 ខែមិថុនា ហើយនឹងមានសម្រាប់ទាំង Windows PC និងម៉ាស៊ីនហ្គេម។ ការចុះឈ្មោះ និងព័ត៌មានលម្អិតបន្ថែមនឹងមកដល់នៅថ្ងៃព្រហស្បតិ៍នេះ បើយោងតាម tweet ពីអ្នកអភិវឌ្ឍន៍។
Overwatch 2 beta នឹងផ្តល់ឱ្យអ្នកលេងដែលចាប់អារម្មណ៍លើហ្គេមនេះនូវឱកាសដើម្បីទទួលបានអ្វីដែលគេរំពឹងទុកជាយូរអំពី Blizzard’s competitive first-person shooter។ យោងតាម Blizzard អ្នកលេងអាចនឹងទទួលបានផែនទីថ្មី ជាមួយនឹងការសាកល្បងលេខ Hero ថ្មីបំផុតគេគឺ Junker Queen។ ពីមុន មានអ្នកលេងមួយចំនួនតូចបានចូលលេងហ្គេមនេះតាមរយៈ PvP beta កាលពីខែមេសាកន្លងទៅ។
ការប្រកាសនេះកើតមានឡើងដោយសារតែព័ត៌មាន Overwatch 2។ កាលពីថ្ងៃអាទិត្យ អ្នកអភិវឌ្ឍន៍បានប្រកាសថា Overwatch 2 នឹងត្រូវបានដាក់ឱ្យដំណើរការលេងដោយឥតគិតថ្លៃ ហើយក៏បានចែករំលែកការមើលឱ្យកាន់តែស៊ីជម្រៅអំពី Junker Queen ផងដែរ។
ហ្គេមនេះកំពុងស្ថិតក្នុងការអភិវឌ្ឍន៍សម្រាប់ Nintendo Switch, PlayStation 4, PlayStation 5, Windows PC, Xbox One, និង Xbox Series X។ វានឹងបញ្ចេញជាផ្លូវការនៅថ្ងៃទី 4 ខែតុលា។ Blizzard ក៏និយាយផងដែរថា ខ្លួនគ្រោងនឹងបង្ហាញបន្ថែមទៀតអំពី Overwatch 2 ក្នុងអំឡុងពេលការផ្សាយនៅថ្ងៃទី ១៦ ខែមិថុនានេះ។
ប្រភព៖ Polygon
