Realme Pad ថ្មី​ត្រូវ​បាន​គេសង្ស័យ​ថា​ដំណើរ​ការ​ជាមួយ​នឹង​អេក្រង់ 120Hz និងប្រើ SD 870
វាត្រូវបានគេនិយាយថានឹងមកជាមានអេក្រង់ LCD ដែលមានកម្រិតបង្ហាញខ្ពស់ QHD+ និង Refresh Rate 120 Hz ជាមួយថាមពលថ្ម 8,360 mAh។

Written by Vichea

05/20/2022

យោងតាមពាក្យចចាមអារ៉ាមចុងក្រោយបង្អស់ពីប្រទេសចិន Realme កំពុងតែមមាញឹកធ្វើការលើថេប្លេតមួយទៀត សម្រាប់មកស្នងតំណែង Realme Pad និង Realme Pad Mini ដែលចេញកាលពីឆ្នាំមុន។ បន្ទះស្ដើងថ្មីនេះ ត្រូវបានគេសន្មត់ថាជា tablet លំដាប់ខ្ពស់បំផុតនៃក្រុមហ៊ុននេះ ដោយសារតែវាត្រូវបានបំពាក់ដោយបន្ទះឈីប Qualcomm Snapdragon 870 ។

មិនត្រឹមតែប៉ុណ្ណឹងទេ ប៉ុន្តែវាត្រូវបានគេនិយាយថានឹងមកជាមានអេក្រង់ LCD ដែលមានកម្រិតបង្ហាញខ្ពស់ QHD+ និង Refresh Rate 120 Hz ជាមួយថាមពលថ្ម 8,360 mAh។ Realme VP Xu Qi ត្រូវបានគេរាយការណ៍ថាបានហៅថេប្លេតនេះថាជាស្តេចនៃ tablet ជួរតម្លៃថវិការរបស់គេ ប៉ុន្តែគាត់មិនទាន់បញ្ជាក់ឲ្យយើងដឹងច្បាស់ពីតម្លៃរបស់វានោះទេ តែយើងអាចរំពឹងបានថាវានឹងក្លាយជាថេប្លេតដែលមានតំលៃទាប់បំផុតដែលមានបំពាក់បន្ទះឈីប SD 870។

ថេប្លេត​នេះត្រូវ​​បានគេរំពឹងថានឹង​ត្រូវ​បាន​ចេញ​លក់​ជា​ផ្លូវ​ការ​មុន​ដំណាច់​ខែ​នេះ​សម្រាប់​ទីផ្សារ​ប្រទេស​ចិន​រួម​ជាមួយ​នឹង GT Neo3 150W Naruto special edition។ យើងសង្ឃឹមថាថេប្លេតថ្មីរបស់ Realme នឹងមិននៅចិនយូរពេកនោះទេ ពោលគឺវាអាចនឹងមានលក់សម្រាប់ទីផ្សារសកលលោក។

ប្រភព៖ GSMArena

ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖

Related Articles

Microsoft បានបញ្ចប់ជីវិត Internet Explorer បាត់ទៅហើយ

Microsoft បានបញ្ចប់ជីវិត Internet Explorer បាត់ទៅហើយ

អ្នកប្រើប្រាស់ដែលព្យាយាមចូលប្រើ Internet Explorer ចាប់ពីថ្ងៃនេះ នឹងត្រូវបានបង្វែរទៅរក Microsoft Edge ដែលជាកម្មវិធីរុករកតាមអ៊ីនធឺណិតដ៏ទំនើបរបស់ក្រុមហ៊ុន …