អង្គការNASA បានចុះចតយានអវកាសPerseverance បានដោយជោគជ័យនៅលើផ្ទៃភពព្រះអង្គារកាលពីយប់ថ្ងៃព្រហស្បតិ៍សប្តាហ៍មុននេះ។ រូបភាព ដែលថតចេញពីមុំផ្សេងគ្នា ត្រូវបានបន្ថែមទៅរូបថតដែលមានគុណភាពបង្ហាញទាប ដើម្បីអាចអោយវាបញ្ជូនរូបភាពនោះពីយានអវកាស ផ្ញើរមកកាន់ភពផែនដីភ្លាមៗផងដែរ។
យាន្តPerseverance មិនមែនជាយន្តដែលត្រូវបានធ្វើដំណើរនៅលើភពអង្គារតែម្នាក់ឯងនោះទេ។ ផ្ទុយទៅវិញ អង្គការNASA ក៏បានភ្ជាប់ឧទ្ធម្ភាគចក្រតូចមួយដែលមានឈ្មោះថា Ingenuity អមដំណើរជាមួយនឹងយាន្តPerseverance ផងដែរ។ ជាមួយនឹងបច្ចេកវិទ្យាដែលមាននៅលើឧទ្ធម្ភាគចក្រ, អង្គការNASA មានគោលបំណងចង់សាកល្បងអោយ ឧទ្ធម្ភាគចក្រIngenuity នេះហោះនៅលើភពអង្គារ ថាតើស្រទាប់បរិយាកាសនៅភពក្រហមនេះអាចអោយយន្តហោះបានដែរឬទេ។ ប្រសិនបើឧទ្ធម្ភាគចក្រនោះពិតជាអាចហោះក្នុងស្រទាប់បរិយាកាសនៅភពអង្គារមែននោះ វាក៏នឹងចូលរួមចំណែកក្នុងការគូសវាសផែនទីសម្រាប់បេសកកម្មនៅភពព្រះអង្គារនាពេលអនាគត។ ទន្ទឹមនឹង លក្ខណៈពិសេសមួយទៀតនៃឧទ្ធម្ភាគចក្រធុនតូចនេះគឺថា វាអាចធ្វើការជាមួយLinux។
លោក Tim Canham វិស្វករជាន់ខ្ពស់នៃមន្ទីរពិសោធន៍ NASA Jet Propulsion Laboratory បានប្រាប់ IEEE (វិទ្យាស្ថានវិស្វកម្មអគ្គិសនីនិងអេឡិចត្រូនិច) ថា“ យើងនឹងហោះហើរ Linux លើភពព្រះអង្គារជាលើកដំបូង” ។ លោកបន្ថែមទៀតថា ក្របខ័ណ្ឌកម្មវិធីដែលយើងប្រើប្រាស់ គឺជាកម្មវិធីមួយដែលយើងបានអភិវឌ្ឍនៅក្នុង JPL សម្រាប់ឧបករណ៍គូប ហើយយើងបានបង្កើតវាទៅជាប្រភពបើកចំហ(open source )កាលពីប៉ុន្មានឆ្នាំមុន។ ការពិតដែលថាក្របខ័ណ្ឌ(framework )នេះហៅថា F ‘(F prime) គឺជាប្រភពបើកចំហ ដែលមានន័យថាគេអាចប្រើLinux ដែលJPL កំពុងប្រើប្រាស់បច្ចុប្បន្ននេះ ដើម្បីបង្ហោះឧទ្ធម្ភាគចក្រនៅលើភពព្រះអង្គារ។
Source: www.somagnews.com
ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖
CFU E-Sports League Cambodia
Web៖ https://cfu-esports.com/
FB Page៖ CFU E-Sports League Cambodia
YouTube៖ CFU E-Sports League Cambodia – YouTube
