បែកធ្លាយរូបភាព Motorola Razr 3 បង្ហាញពីកាមេរ៉ាដែលបានអាប់ដេត
ផ្នែកខាងក្រោយរបស់ Motorola RAZR ជំនាន់ក្រោយមានកាមេរ៉ាចំនួនពីរគ្រាប់ត្រូវបានដំឡើង ដែលកាមេរ៉ាទីមួយគួរតែមានទំហំ 50 MP ជាមួយ aperture f/1.8 ជាមួយកាមេរ៉ា ...

Written by Vichea

05/09/2022

Motorola ជាក្រុមហ៊ុនទូរស័ព្ទដ៏ពេញនិយមនិងឈានមុខមួយកាលពីជំនាន់មុន ​ប្រជាជនខ្មែរជាច្រើនបានស្គាល់និមិត្តសញ្ញានេះតាមរយៈទូរស័ព្ទបត់បើករបស់វាគឺ Motorola RAZR V3។ ប៉ុន្មានឆ្នាំចុងក្រោយនេះ ក្រុមហ៊ុននេះបានព្យាយាមក្នុងការនាំយកព្រលឹង Motorola RAZR ជំនាន់មុនរបស់ខ្លួនមកបំពាក់លើ Motorola RAZR ស៊េរីថ្មីដោយរំពឹងថានឹងទទួលបានការគាំទ្រដូចមុន តែអ្វីគ្រប់យ៉ាងខុសពីការរំពឹងទុក។ ទោះបីជាយ៉ាងណាក៏ដោយ ក្រុមហ៊ុននេះមិនខ្មាស់អៀនចំពោះរឿងនេះទេ ហើយខ្លួនកំពុងរៀបចំបញ្ចេញ Motorola RAZR ថ្មីមួយទៀត។ ស្មាតហ្វូននោះមានកូដឈ្មោះ Maven ហើយរូបថតរបស់វាត្រូវបានបែកធ្លាយនៅក្នុងបណ្តាញសង្គមមួយចំនួនរួចហើយ។

ផ្នែកខាងក្រោយរបស់ Motorola RAZR ជំនាន់ក្រោយមានកាមេរ៉ាចំនួនពីរគ្រាប់ត្រូវបានដំឡើង ដែលកាមេរ៉ាទីមួយគួរតែមានទំហំ 50 MP ជាមួយ aperture f/1.8 ជាមួយកាមេរ៉ាជំនួយ 13 MP ប្រភេទលេនទូលាយ ដែលអាចដើរតួជាម៉ាក្រូផងដែរ។ ចំពោះកាមេរ៉ា selfie ខាងមុខត្រូវបានផ្តល់ជូនជាមួយលេនទំហំ 32 មេហ្គាភិចសែល។

Motorola RAZR 3 ត្រូវបានគេរំពឹងថានឹងត្រូវបានបំពាក់មកជាមួយបន្ទះឈីប Snapdragon 8 Gen 1 ជាមួយ RAM 8 ឬ 12 GB និងអង្គចងចាំ 256 ឬ 512 GB បូករួមជាមួយអេក្រង់ដែលអាចបត់បែនបានដែលមានកម្រិតភាពច្បាស់ FullHD + ។ ការ​ប្រកាស​ចេញ​ស្មាតហ្វូន​នេះ​ត្រូវ​បាន​គេ​រំពឹង​ថា​នឹង​ចេញ​នៅ​ខែ​កក្កដា ឬ​ខែ​សីហា​ឆ្នាំ​នេះ។

ជាមួយនឹងការរចនាម៉ូដប្រអប់ថ្មី និងកាមេរ៉ាភ្លោះ វាមើលទៅដូចជា Motorola កំពុងត្រៀមប្រជែងជាមួយនឹងស្មាតហ្វូនដែលអាចបត់បាន Samsung Galaxy Z Flip 3។ ការចាប់ផ្ដើមឡើងវិញរបស់ Razr ពីរជំនាន់ដំបូងគឺមិនគួរឱ្យចាប់អារម្មណ៍បំផុតនោះទេ សម្រាប់ជំនាន់ដំបូងបង្អស់នៃកំណើតថ្មីរបស់ Razr ឆ្នាំ 2019 វាមកជាមួយតម្លៃ $1,499 ដែលមានគុណវិបត្តិមួយចំនួន ដូចជាអេក្រង់ដុំៗ គន្លឹះបត់លឺសម្លេង និងមិនមានកាមេរ៉ាល្អ។ ការបញ្ចេញជា​លើក​ទី​ពីរ​របស់ Motorola នៅតែមិន​ល្អ​ប្រសើរ​ជាង​នេះ​ទេ ហើយ​ការ​បន្ថែម 5G នៅ​តែ​មិន​បាន​បង្ហាញ​ពី​ហេតុផល​ដែលវាមានតម្លៃរហូត 1,399 ដុល្លារនោះទេ។

ប្រភព៖ GizChina, TheVerge

ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖

Related Articles

ការធ្វើបច្ចុប្បន្នភាព Windows 10 រារាំងកម្មវិធី Event Viewer ហើយអាចបណ្តាលឱ្យបាត់បង់ទិន្នន័យ

ការធ្វើបច្ចុប្បន្នភាព Windows 10 រារាំងកម្មវិធី Event Viewer ហើយអាចបណ្តាលឱ្យបាត់បង់ទិន្នន័យ

កំហុសទូទៅបំផុតគឺការប៉ះពាល់ដល់កម្មវិធី Event Viewer ដែលជាកម្មវិធីរបស់ Windows 10 សម្រាប់ត្រួតពិនិត្យកម្មវិធី និងព័ត៌មានប្រព័ន្ធផ្សេងៗ។

Apple បញ្ចេញ iOS 15.5 និង iPadOS 15.5 ជាមួយមុខងារថ្មី និង bug fixes

Apple បញ្ចេញ iOS 15.5 និង iPadOS 15.5 ជាមួយមុខងារថ្មី និង bug fixes

ជាមួយនឹងការអាប់ដេតនេះ អ្នកប្រើប្រាស់នឹងសម្គាល់ឃើញមានប៊ូតុងមួយចំនួន ដែលដាក់ឈ្មោះថា “ស្នើសុំ (Request)” និង “ផ្ញើ(Send)” ដែលត្រូវបានបន្ថែមទៅក្នុង …