ក្រុមហ៊ុន Microsoft កំពុងចាប់ផ្តើមដាក់ឱ្យដំណើរការនូវការធ្វើបច្ចុប្បន្នភាព software ខែវិច្ឆិកាទៅលើ Xbox ស៊េរី X, ស៊េរី S និង Xbox One ។ ការអាប់ដេត software នេះគឺជាការធ្វើបច្ចុប្បន្នភាពលើ ផ្ទាំងព័ត៌មានសម្រាប់ consoles ជំនាន់ក្រោយរបស់ក្រុមហ៊ុន Microsoft ហើយវារួមបញ្ចូលនូវ dynamic backgrounds,  ការរចនាបថពណ៌ និងការផ្លាស់ប្តូរចលនាដើម្បីអោយមានភាពរស់រវើកផងដែរ។  ទន្ទឹមនឹងការធ្វើបច្ចុប្បន្នភាព dynamic backgroundsថ្មីនេះ, អ្នកប្រើប្រាស់នឹងអាចដឹងថាតើហ្គេមណាមួយដែលទទួលបានគុណភាពនៃការមើលប្រសើរជាង តាមរយៈមុខងារ HDR នេះ។ យើងនឹងឃើញមុខងារនោះលេចឡើង នៅពេលយើងបើក guide ក្នុងកំឡុងពេលលេងហ្គេមផងដែរ។ លើសពីនេះ  អ្នកប្រើប្រាស់អាចបន្ថែមគណនីសមាជិកគ្រួសារ ក្នុងប្រព័ន្ធតែមួយ ហើយ វាក៏អនុញ្ញាអោយគេអាចដឹងពីមិត្តភក្តិផ្សេងទៀត ដែលកំពុងតែលេងដូចគ្នាផងដែរ។  គេរំពឹងថា បន្ទាប់ពីការធ្វើបច្ចុប្បន្នភាពនេះ វានឹងធ្វើអោយ Xbox ស៊េរី X, ស៊េរី S និង Xbox One អាចដំណើរបានល្អជាងមុន អមជាមួយនឹងការរចនាទំាងពណ៌ មុខងារ និងចលនាដ៏គួរអោយទាក់ទាញផងដែរ។ source: www.theverge.com