Appleគឺជាក្រុមហ៊ុនដ៏ធំបំផុតមួយនៅលើពិភពស្មាតហ្វូន ហើយក៏ជាក្រុមហ៊ុនដែលកំពុងតែឈានមុខគេផងដែរ។ កាលពីឆ្នាំមុនយើងបានឃើញពីរបៀបដែលទូរស័ព្ទ iPhone 12 បានក្លាយទៅជាស្មាតហ្វូន5G(5G terminal) ដំបូងរបស់ក្រុមហ៊ុន ប៉ុន្តែនៅឆ្នាំនេះយើងអាចមើលឃើញការភ្ញាក់ផ្អើលកាន់តែច្រើនទៀត ខណៈដែលការប្រកួតប្រជែងមានលក្ខណៈស្វិតស្វាញក្នុងវិស័យទូរស័ព្ទចល័ត។
យើងបានដឹងខ្លះៗរួចមកហើយថា ក្រុមហ៊ុនApple កំពុងត្រៀមខ្លួនផលិតទូរស័ព្ទ iPhone ដែលអាចបត់អេក្រង់បាន ក៏ប៉ុន្តែមានពត៌មានតិចតួចបំផុតដែលគេដឹង។ យ៉ាងណាមិញ ថ្ងៃនេះមានការលើកឡើងថា ក្រុមហ៊ុនApple កំពុងធ្វើការជាមួយក្រុមហ៊ុនLG ដើម្បីផលិតទូរស័ព្ទបត់អេក្រង់បាន។ បន្ថែមពីនេះ មានព័ត៌មានលម្អិតតិចតួចណាស់ដែលDigitimes បានបង្ហាញក្រៅពីការពិតដែលថា ក្រុមហ៊ុនApple នឹងមិនមានផែនបង្ហាញស្មាតហ្វូនដែលអាចបត់អេក្រង់របស់ខ្លួន នៅមុនឆ្នាំ២០២៣នោះទេ ។ នេះមានន័យថា ការរង់ចាំនឹងមានរយៈពេលរហូតដល់ ២ ឆ្នាំចាប់ពីពេលនេះទៅ។ ទោះបីជាយ៉ាងណាក៏ដោយ នេះគឺជាដំណឹងល្អមួួយ ដែលក្រុមហ៊ុនApple ចង់ផលិតស្មាតហ្វូនម៉ូឌែលនេះដែរ។
Apple នឹងត្រូវពឹងផ្អែកលើក្រុមហ៊ុន LG ដើម្បីផលិតអេក្រង់ដែលបត់បាន សម្រាប់តំឡើងនៅលើទូរស័ព្ទiPhoneរបស់ខ្លួននាពេលខាងមុននេះ ប៉ុន្តែនេះមិនមានន័យថា ក្រុមហ៊ុនកូរ៉េLG មិនមានផែនការផ្ទាល់ខ្លួននោះទេ។ គួររំលឹកជូនថា ក្រុុមហ៊ុនLG បច្ចុប្បន្ននេះក៏កំពុងផលិតទូរស័ព្ទដែលពង្រីកអេក្រង់បានផងដែរ ដែលមានឈ្មោះថា LG Rollable ដោយអេក្រង់របស់វានឹងរីកមាឌធំ ឬតូចតាមការចង់បានរបស់អ្នកប្រើ។
Source: www.somagnews.com
ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖
CFU E-Sports League Cambodia
Web៖ https://cfu-esports.com/
FB Page៖ CFU E-Sports League Cambodia
YouTube៖ CFU E-Sports League Cambodia – YouTube
