គេបានដឹងរួចមកហើយថា KFC ជាក្រុមហ៊ុនដ៏ល្បីមួយនៅលើពភលោកដែលមានជំនាញខាងលក់មាន់បំពង់។ តែឥឡូវនេះ ក្រុមហ៊ុនបានប្រឡកចូលវិស័យវីដេអូហេ្គមជាមួយនឹងបណ្តាលក្រុមហ៊ុនបច្ចេកវិទ្យាធំៗទៅវិញ ដោយKFCបានបង្កើតនូវឧបករណ៍លេងហ្គេមដ៏ទំនើបបំផុតមួយ ដែលមានឈ្មោះថា KFConsole នេះបើតាមគណនីធ្វីតធឺKFC Gaming។
ឧបករណ៍លេងហ្គេមនេះ ត្រូវបានបង្កើតឡើងតាមរយៈភាពជាដៃគូជាមួយក្រុមហ៊ុន Cooler Master, Intel, Asus និង Seagate ហើយវាមានសមត្ថភាពភ្ជាប់ជាមួយនឹងវែនតាVRរួចជាស្រេច។ អ្វីដែលពិសេសជាងនេះ ឧបករណ៍នេះត្រូវបានរចនាឡើង ដោយមានលក្ខណៈខុសប្លែកខ្លាំងពីឧបករណ៍ផ្សេង។ វាមានរាងដូចម៉ាសីុនកម្តៅមាន់ ឬដូចឆ្នាំងសម្រាប់អាំងសាច់មាន់។ នៅក្នុងសន្និសិទ្ធប្រកាសព័ត៌មានរួមគ្នារវាងក្រុមហ៊ុនKFCនឹងក្រុមហ៊ុន Cooler Master បានលើកឡើងថា ឧបករណ៍នេះអាចមានសមត្ថភាពអោយអ្នកលេង លេងហ្គេមដែលមានកម្រិតភាពច្បាស់ដល់ទៅ 4K និង 240FPSឯណ្ណោះ។ក៏ប៉ុន្តែក្រុមហ៊ុនមិនបានបញ្ជាក់ពីតម្លៃឬកាលបរិច្ឆេទនៃការចេញលក់ KFConsoleនៅឡើយទេ។
យ៉ាងណាមិញ គេនៅតែមិនទាន់បានដឹងថាតើ ឧបករណ៍ហ្គេមរបស់KFC មានសមត្ថភាពខ្លាំងជាងPS5របស់Sony ឬ Xbox របស់Microsoft យ៉ាងណាទេ ហើយគេក៏មិនមានច្បាស់ថា KFConsole អាចអោយគេលេងវីដេអូហេ្គមដូចជា Cyberpunk 2077 បានដែរឬទេ។
Source: comicbook.com
CFU E-Sports League Cambodia
Web៖ https://cfu-esports.com/
FB Page៖ CFU E-Sports League Cambodia
YouTube៖ CFU E-Sports League Cambodia – YouTube
