ក្រុមហ៊ុន Intel កំពុងដាក់បង្ហាញកាតក្រាហ្វិកសម្រាប់កុំព្យូទ័រលើតុ Iris Xe ដំបូងរបស់ខ្លួននៅថ្ងៃនេះ​ ដោយកាលពីដំបូងវាមានឈ្មោះថា“ DG1” GPUs សម្រាប់កុំព្យូទ័រលើតុដែលផ្តោតសំខាន់ទៅលើអាជីវកម្មខ្នាតតូច និងមធ្យម។ ក្រុមហ៊ុន Intel កំពុងសហការជាមួយក្រុមហ៊ុន Asus និងដៃគូដទៃទៀតដើម្បីលក់កាតទាំងនេះនឹងបញ្ចូលវាជាមួយប្រព័ន្ធដែលបានសាងសង់រួច។

ភាគច្រើននៃកាតក្រាហ្វិក Iris Xe Max គឺមានបំពាក់នៅលើកុំព្យូទ័រយួរដៃចាប់តាំងពីខែតុលាកន្លងមក។ ហើយ GPUs សម្រាប់ Desktop គឺមិនត្រូវបានរចនាឡើងសម្រាប់អ្នកលេងហ្គេមនោះទេ។ ក្រុមហ៊ុន Intel កំពុងវាជាវិធីមួយដើម្បីកែលម្អអ្វីដែលបានផ្តល់ជូននៅលើកុំព្យូទ័រ Desktop ដែលមានក្រាហ្វិកល្អប្រសើរការគាំទ្រអេក្រង់់ច្រើន និងបង្កើនល្បឿន hardware សម្រាប់ដំណើរការ។

កាតទាំងនេះនឹងរួមបញ្ចូលទាំងការបង្ហាញ 4K ចំនួន ៣ សម្រាប់ម៉ូនីទ័រច្រើន រួមជាមួយការគាំទ្រ HDR និងសមត្ថភាព AI  ហើយកាតទាំងនេះក៏នឹងគាំទ្រការគណនាកូដ AV1 ជាមួយអង្គចងចាំវីដេអូ 4GB និងអង្គប្រតិបត្តិចំនួន 80 ។ ក្រុមហ៊ុន Intel ថែមទាំងផ្តល់ការគាំទ្រ Adaptive Sync ដូច្នេះអ្នកនឹងទទួលបានបទពិសោធន៍រលូនជាងមុនជាមួយនឹងម៉ូនីទ័រដែលមានអត្រាធ្វើឱ្យស្រស់ខ្ពស់ជាងមុនជាមួយកាតទាំងនេះ។

ខណៈដែលកាតដំបូងទាំងនេះមិនត្រូវបានរចនាឡើងដើម្បីប្រកួតប្រជែងជាមួយកាតសម្រាប់អ្នកលេងហ្គេមចុងក្រោយបង្អស់ និងអស្ចារ្យបំផុតរបស់ក្រុមហ៊ុន Nvidia និង AMD។ ក្រុមហ៊ុន Intel ក៏កំពុងធ្វើការលើស្ថាបត្យកម្ម Xe-HPG របស់ខ្លួនផងដែរ។ នេះមានន័យថាIntel ក៏កំពុងផ្តោតលើភារកិច្ចសម្រាប់កាតលេងហ្គេមដែលមានសម្ថភាពខ្ពស់ហើយវាអាចនឹងឈានទៅរកយុគសម័យរបស់ក្រុមហ៊ុន Intel ដែលកំពុងប្រកួតប្រជែងជាមួយទាំង AMD និង Nvidia នៅចុងឆ្នាំនេះ។

Iris Xe មិនមែនជាការប៉ុនប៉ងលើកដំបូងរបស់ Intel សម្រាប់ GPU Desktop នោះទេ។ ក្រុមហ៊ុន Intel បានសម្លាប់គម្រោង Larrabee របស់ខ្លួនកាលពី ១០ ឆ្នាំមុនហើយវាក៏បានដាក់ចេញនូវស៊េរី Intel i740 របស់ខ្លួនតាំងពីឆ្នាំ ១៩៩៨។ នេះជាលើកទីមួយក្នុងរយៈពេល ២០ ឆ្នាំដែលយើងបានឃើញក្រុមហ៊ុន Intel បញ្ចេញនូវ GPU Desktop ប៉ុន្តែអ្នកត្រូវរង់ចាំ យូរបន្តិចទៀតដើម្បីមើលថាតើក្រុមហ៊ុន Intel អាចយកឈ្នះ Nvidia និង AMD បានដែរឬទេ។

ប្រភព៖ theverge
ដើម្បីស្វែងយល់អំពីពត៌មានបច្ចេកវិទ្យាថ្មីៗបន្ថែមសូមចូលទៅកាន់៖
Website: https://cfu-esports.com
Facebook៖ CFU E-Sports League Cambodia
YouTube​៖​ CFU E-Sports League Cambodia