របាយការណ៍ដំបូងចេញផ្សាយដោយ 9to5Google បានលើឡើងថា កម្មវិធីថ្មីនេះកំពុងតែត្រូវបានសាកល្បងនៅក្នុង beta។ កម្មវិធីដែលបង្កើតដោយហ្គូហ្គោលមានឈ្មោះថា“ Task Mate” ហើយវាដូចជាកម្មវិធីGoogle Opinion Rewards ដែលយើងអាចនឹងទទួលបានរង្វាន់បន្ទាប់ពីយើងបានបញ្ចេញមនូវគំនិតយោបល់របស់យើងពាក់ព័ន្ធនឹងសេវាកម្មសេវាកម្ម Google។ តាមពិត កម្មវិធី Google Opinion rewards ជាកម្មវិធីដែលនឹងសួរសំណួរដោយផ្អែកលើការទិញឬការប្រើប្រាស់ផលិតផលហ្គូហ្គោលថ្មីៗ ដូចជាជី Gmail, Google Assistant, និង YouTube។ ជាថ្នូរនឹងការឆ្លើយនឹងសំនួរទាំងនេះ យើងនឹងទទួលបានរង្វាន់ពី Google Play ដើម្បីអាចយកមកប្រើសំរាប់កម្មវិធី Play Store apps ឬការជាវ subscriptions។ ដោយឡែកចំពោះកម្មវិធី Task mate នេះវានឹងសួរសំណួរទៅកាន់អ្នកប្រើប្រាស់ច្រើនជាងមុន ដោយទាក់ទងនឹងផលិតផល រូបភាព ទីកន្លែង អាជីវកកម្ម ឬការផ្ទៀងផ្ទាត់ការបកប្រែជាដើម ដែលមាន័យថា Task Mate​ នឹងប្រមូលយកទិន្ន័យចេញពីការយល់ឃើញរបស់យើង។  យ៉ាងណាមិញ អ្នកប្រើប្រាស់អាចទទួលបានរង្វាន់ ដោយការកត់ត្រាជាប្រយោគឬការថតជាចម្លង ដើម្បីជួយអោយ Google បានស្វែងយល់ពីការលក្ខណៈពិសេសណាមួយពីតំបន់ដែលយើងរស់នៅ ផលិតផល ឬសេវាកម្មនានា។ Source: www.gsmarena.com