Google Stadia និង YouTube បានចាប់ដៃគូសហការគ្នាដែលនឹងអនុញ្ញាតឱ្យផ្សាយបន្តផ្ទាល់ហ្គេមទៅលើ YouTube ចាប់ពីថ្ងៃស្អែកនេះ។ យោងតាមសារពត៌មាន 9to5Google បានកត់សម្គាល់ឃើញថាលក្ខណៈពិសេសនេះត្រូវបានចាប់ផ្តើម និងមានរបៀបនៃការតភ្ជាប់គណនី Youtube ជាមួយគណនី Stadia ផងដែរ។
អ្នកលេងហ្គេមទាំងអស់នៅតែអាចដាក់ចំណង់ជើងនៅលើការផ្សាយបន្តផ្ទាល់របស់អ្នក និងមានការកំណត់ Setting មួយចំនួនទៀតដូចជា ច្បាប់ការពារកុមារ (children’s protection rules) ហើយនៅមិនទាន់ច្បាស់នៅឡើយទេថាតើអ្នកនឹងអាចផ្សាយបន្តផ្ទាល់ក្នុងកម្រិត 4K ឬយ៉ាងណា។ ដូចដែល Stadia បានសន្យាពីមុនជាមួយប្រិយមិត្តរបស់ខ្លួនថា អ្នកលេងហ្គេមទាំងដែលចង់ផ្សាយបន្តផ្ទាល់ទៅកាន់Youtube ប្រហែលជាត្រូវការជាវ Stadia Pro ដែលមានតម្លៃចំនួន 9.99 ដុល្លារសម្រាប់ការលេងហ្គេម 4K ។លក្ខណៈពិសេសនេះមិនទាន់មកដល់ Google Stadia ក្នុងពេលនេះទេ ហើយសម្រាប់Game Stadia ដ៏សំខាន់បំផុតរបស់សេវាកម្មនេះគឺហ្គេម Cyberpunk 2077 ដែលនឹងមកដល់នៅសប្តាហ៍នេះ។សម្រាប់អ្នកដែលចង់ LiveStream ហ្គេម Cyberpunk 2077ពី Stadia ទៅកាន់ YouTube អាចជាឱកាសដ៏ធំបំផុតតែមួយគត់សម្រាប់ Google ដើម្បីបញ្ជាក់ពីអ្វីដែលសេវាកម្មរបស់ខ្លួនសម្រេចបាន។
ប្រភព៖ theverge
ដើម្បីអានពត៌មានបច្ចេកវិទ្យាថ្មីបន្ថែម៖ https://cfu-esports.com/ ឬ ចូលទៅកាន់ FB Page៖ CFU E-Sports League Cambodia
