Google Photos នឹងឈប់ផ្តល់ជូនការ upload រូបថត វីដេអូ និងឯកសារឥតគិតថ្លៃនៅថ្ងៃទី ១ ខែមិថុនាឆ្នាំ ២០២១ នេះហើយ។
Google Photo គឺវាជាកម្មវិធីមួយដែលអនុញ្ញាតអោយយើងរក្សាររូបថត និង upload វីដេអូ ឯកសារចូលទៅកាន់ Google Account ដោយឥតគិតថ្លៃនិងគ្មានដែនកំណត់ នឹងត្រូវលុបចោលទៅវិញនៅថ្ងៃទី ១ ខែមិថុនាឆ្នាំ ២០២១ខាងមុខនេះ

Written by Heaur

11/13/2020

លក្ខណៈពិសេសដ៏សំខាន់មួយរបស់ Google Photos គឺវាជាកម្មវិធីមួយដែលអនុញ្ញាតអោយយើងរក្សាររូបថត និង upload វីដេអូ ឯកសារចូលទៅកាន់ Google Account របស់យើងបាន ដោយឥតគិតថ្លៃនិងគ្មានដែនកំណត់។ តែឥឡូវនេះក្រុមហ៊ុន Google បានប្រកាសថាលក្ខណៈពិសេសនេះនឹងត្រូវលុបចោលទៅវិញនៅថ្ងៃទី ១ ខែមិថុនាឆ្នាំ ២០២១ខាងមុខនេះ ។

មានន័យថាចាប់ពីថ្ងៃទី ១ ខែមិថុនា រាល់ឯកសារ រូបថត និងវីដេអូដែលបានបញ្ចូលទៅក្នុង Google Photos នឹងត្រូវបានរាប់បញ្ចូលក្នុងទំហំផ្ទុក ១៥ ជីកាបៃ ដែលយើងទទួលបានជាមួយរាល់​ Google Account។ យ៉ាងណាមិញ រូបភាពទាំងអស់ដែលបានuploadមុនថ្ងៃទី ១ ខែមិថុនាឆ្នាំ ២០២១ នឹងមិនត្រូវបានរាប់បញ្ចូលឡើយ។ ការផ្លាស់ប្តូរនេះអនុវត្តតែចំពោះរូបភាពដែលបានបញ្ចូលបន្ទាប់ពីថ្ងៃទី១ ខែមិថុនាប៉ុណ្ណោះ។

នេះមិនមានន័យថាយើងនឹងត្រូវបង់ប្រាក់ភ្លាមៗនៅថ្ងៃទី ១ ខែមិថុនាឆ្នាំ ២០២១ នោះទេ។ យើងនៅតែអាចបន្តការ upload រូបភាព វីដេអូ ឯកសារបានដដែល រហូតដល់ Storage នៅគណនីរបស់យើងបានពេញ។  នៅពេលរឿងនោះ យើងនឹងមានជម្រើសក្នុងការទិញគំរោងមួយរបស់ Google One ប្រសិនបើអ្នកចង់ងបន្តការupload តទៅទៀត។

បន្ថែមពីនេះ ក្រុមហ៊ុន Google នឹងផ្តល់ជូនឧបករណ៍មួយនៅខែមិថុនាឆ្នាំ ២០២១នេះដែលនឹងអនុញ្ញាតឱ្យយើងអាចគ្រប់គ្រងរូបថតនិងវីដេអូ ដែលយើងចង់រក្សាទុកឬអ្វីដែលយើងចង់លុប។ ឧបករណ៍នេះនឹងរំលេច ចំណុចមិនល្អណាមួយដោស្វ័យប្រវត្តិ ដូចជារូបភាពងងឹតឬព្រិលឬវីដេអូធំ ៗ ដែលយើងប្រហែលជាមិនចង់រក្សាទុក។ ការផ្លាស់ប្តូរនេះនឹងអនុវត្តចំពោះអ្នកប្រើប្រាស់​ Google Photos ទាំងអស់ រួមទាំងនៅលើប្រព័ន្ធប្រតិបត្តិការ Android, iOS និងកុំព្យូទ័រលើតុផងដែរ។

ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖

Related Articles

Microsoft បានបញ្ចប់ជីវិត Internet Explorer បាត់ទៅហើយ

Microsoft បានបញ្ចប់ជីវិត Internet Explorer បាត់ទៅហើយ

អ្នកប្រើប្រាស់ដែលព្យាយាមចូលប្រើ Internet Explorer ចាប់ពីថ្ងៃនេះ នឹងត្រូវបានបង្វែរទៅរក Microsoft Edge ដែលជាកម្មវិធីរុករកតាមអ៊ីនធឺណិតដ៏ទំនើបរបស់ក្រុមហ៊ុន …