យោងទៅតាមការប្រកាសមួយនៅក្នុងប្លក់របស់ Google, ក្រុមហ៊ុនបានដាក់ចេញនូវការធ្វើបច្ចុប្បន្នភាពមួយទៅលើកម្មវិធី Google Photo ដោយយើងអាចយករូបភាព 2D របស់យើងផ្លាស់ប្តូរឱ្យវាលេចចេញជារូបភាព 3Dវិញ។ Google បានហៅប្រភេទរូបភាពទាំងនេះថា“ រូបភាពភាពយន្ត” ឬជាភាសាអងគ្លេសថា “Cinematic photos” ហើយវាជាប្រភេទរូបភាពថ្មី ដែលរូបភាពទំាងនោះនឹងបង្ហាញនៅក្នុងផ្នែកមួយនៃមុខងារអនុស្សាវរីយ៍(Memories feature)។
បើតាមការចុះផ្សាយដដែលបានលើកឡើងថា ដើម្បីធ្វើបង្កើតជា Cinematic photos ក្រុមហ៊ុនបានប្រើម៉ាស៊ីនស្វ័យប្រវត្តិ ដើម្បីព្យាករណ៍ពីជម្រៅនៃរូបភាព (image’s depth)និងផលិតចេញជារូបភាព 3D នៅលើរូបភាពនោះតែម្តង ទោះបីជារូបភាពដើមមិនមានលក្ខណៈស៊ីជំរៅ (depth information)ពីកាមេរ៉ាក៏ដោយ” ។ ក្រុមហ៊ុន Google និយាយថា កម្មវិធី Google Photo នឹងធ្វើការបង្កើតរូបភាពរបស់អ្នកប្រើប្រាស់អោយទៅជារូបភាព Cinematic photos ដោយស្វ័យប្រវត្តិ ហើយវានឹងបង្ហាញរូបភាពទំាងអស់នោះ នៅក្នុងផ្នែក highlights section ដែលស្ថិតខាងលើនៃកម្មវិធីរបស់អ្នកប្រើប្រាស់។ ម្យា៉ងទៀត ក្រុមហ៊ុនយក្ស Google ក៏កំពុងបន្ថែមនូវមុខងារថ្មីមួយទៀតផងដែរ សម្រាប់ Memories Feature ដោយមុខងារថ្មីនេះ វាអាចសិក្សាស្វែងយល់ពីអ្នកប្រើប្រាស់ស្តីអំពីទីកន្លែងឬសកម្មភាព បន្ទាប់មកវានឹងបង្ហាញអោយគេមើលឃើញពីអនុស្សាវរីយ៍របស់អ្នកប្រើប្រាស់ជាមួយមនុស្សសំខាន់ៗនៅក្នុងជីវិតរបស់ពួកគេ។ ជាមួយគ្នានេះដែរ វាក៏នឹងបង្ហាញអនុស្សាវរីយ៍អំពីវត្ថុ ឬសកម្មភាពដែលគេចូលចិត្តដូចជា ការមើលថ្ងៃលិច ឬការឡើងភ្នំជាដើម។
យ៉ាណាមិញ បើយោងតាមក្រុមហ៊ុនGoogle, មុខងារថ្មីទាំងនេះដែលបានលើកឡើងខាងលើនេះ នឹងត្រូវផ្តល់ជូនអ្នកប្រើប្រាស់នៅខែក្រោយនេះ។
Source: www.theverge.com
ដើម្បីអានពត៌មានបច្ចេកវិទ្យាថ្មីបន្ថែម៖ https://cfu-esports.com/ ឬ ចូលទៅកាន់ FB Page៖ CFU E-Sports League Cambodia
