ក្រុមហ៊ុន Google បានបង្តើតមុខងារថ្មីមួយសម្រាប់ប្រព័ន្ធប្រតិបត្តិការ Android ដែលមានលក្ខណៈស្រដៀងទៅនឹងកម្មវិធី Airdrop របស់ Apple ដែរ។ មុខងារថ្មីនេះមានឈ្មោះថា Android Nearby Share ឬក៏ Share With Nearby ដែលឥឡូវនេះ វាត្រូវបានដាក់នៅក្នុងការធ្វើតេស្តសាកល្បងហើយ។
យ៉ាងណាមិញ យើងអាចប្រើប្រាស់កម្មវិធីនេះបានផងដែរ។ ជាដំបូង ប្រសិនជាយើងចង់ចែករំលែកកម្មវិធីណាមួយនៅលើទូរស័ព្ទរបស់យើងទៅកាន់មិត្តភក្តិយើង យើងគ្រាន់តែចូលទៅកាន់ Google Play បន្ទាប់មកចុចលើពាក្យថា My Apps & Games tab ដែលស្ថិតនៅផ្នែកខាងឆ្វេងនៃអេក្រង់ទូរស័ព្ទ ជ្រើសរើសកម្មវិធីដែលយើងចង់ចែករំលែក រួចចុចលើពាក្យថា Share នៅផ្នែកខាងលើ។ នោះយើងនឹងឃើញមុខងារ Nearby Share តែម្តង។ យ៉ាងណាមិញ ចំពោះទូរស័ព្ទរបស់មិត្តភក្តិយើងតម្រូវអោយបើក Bluetooth, Wi-Fi ហើយនឹង Location ផងដែរ។
ចំពោះការផ្ញើររូបថត ឯកសារ វីដេអូខ្លីៗ យើងគ្រាន់តែចូលទៅកាន់ Gallery រួចជ្រើសរើសរូបថតណាមួយដែលយើងចង់ផ្ញើរ ហើយស្វែងរកពាក្យថា Share ដែលស្ថិតនៅផ្នែកខាងលើ នោះមុខងារ Nearby Share នឹងបង្ហាញខ្លួនអោយយើងតែម្តង។
