Fitbit បានបង្ហាញកំណែចុងក្រោយនៃឧបករណ៍តាមដានសុខភាពរបស់ខ្លួនសម្រាប់កុមារ។ Fitbit Ace 3 រួមបញ្ចូលនូវមុខងារជាច្រើនពីម៉ូដែលមុនរួមមានការតាមដានការគេង និងការរចនាហែលទឹក។ វាក៏ផ្តល់ជូននូវមុខនាឡិកាមានចលនាជាច្រើនរួមជាមួយនឹងអាយុកាលថ្មរហូតដល់ ៨ ថ្ងៃ។ នោះគឺជាការកែលម្អប្រសើជាងម៉ូដែល Ace 2 ដែលមានអាយុកាលថ្មបានប្រាំថ្ងៃ។
ឪពុកម្តាយនឹងអាណាព្យាបាលរបស់កុមារអាចពិនិត្យមើលទម្លាប់ និងសកម្មភាពគេងរបស់កូនៗពួកគេតាមរយៈគណនីគ្រួសារ Fitbit ខណៈដែលការគ្រប់គ្រងរបស់ឪពុកម្តាយជួយការពារភាពឯកជនភាពរបស់ក្មេងៗផងដែរ។ ក្នុងតម្លៃ ៧៩,៩៥ ដុល្លារ Ace 3 មានតម្លៃថ្លៃជាងមូ៉ដែលចុងក្រោយចំនួន ១០ ដុល្លារហើយវាមានពណ៌ខ្មៅ ក្រហម ខៀវនិងបៃតង។ វាសម្រាប់កុមារដែលមានអាយុប្រាំមួយឆ្នាំឡើងទៅហើយពួកគេអាចប្តូរឧបករណ៍ជាមួយគ្រឿងបន្ថែមទៀត។ វានឹងមានលក់នៅរដូវក្តៅនេះក្នុងតម្លៃ ២៩,៩៥ ដុល្លារសម្រាប់ទីផ្សារបរទេស។
រយៈពេលជិតពីរឆ្នាំហើយចាប់តាំងពី Fitbit បានចេញផ្សាយនូវសន្លឹក Ace 2 ដូច្នេះវាប្រហែលជាដល់ពេលដែលត្រូវធ្វើបច្ចុប្បន្នភាពហើយ។ Ace 3 អាចជួយឪពុកម្តាយជម្រុញទឹកចិត្តកូនៗ របស់ពួកគេឱ្យសកម្ម និងឃ្លាតឆ្ងាយពីការលេងទូរស័ព្ទ ខណៈពេលដែលជំងឺរាតត្បាតរ៉ាំរ៉ៃនៅតែបន្តកើតមាន។ Fitbit បានថ្លែងថានេះគឺជាផលិតផលដំបូងគេនៅរដូវផ្ការីករបស់ខ្លួនដូច្នេះវាហាក់ដូចជាវានឹងមានរបស់ជាច្រើនទៀតដែលត្រូវដាក់បង្ហាញឆាប់ៗនេះ។ នេះក៏ជាផលិតផលដំបូងគេពីក្រុមហ៊ុនផងដែរចាប់តាំងពីវាបានក្លាយជាផ្នែកមួយរបស់ Google កាលពីដើមឆ្នាំនេះ។
ប្រភព៖ engadget
ដើម្បីស្វែងយល់អំពីពត៌មានបច្ចេកវិទ្យាថ្មីៗបន្ថែមសូមចូលទៅកាន់៖
Website: https://cfu-esports.com
Facebook៖ CFU E-Sports League Cambodia
YouTube៖ CFU E-Sports League Cambodia
