កុំព្យូទ័រយួរដៃ ASUS ZenBook Duo គឺជាកុំព្យូទ័រយួរដៃមួយក្នុងចំណោមកុំព្យូទ័រយួរដៃដែលមានការរចនាងប្លែកបំផុត។ ក្រុមហ៊ុនAsus បានបញ្ចេញជាពីរម៉ូឌែល UX 482 និងម៉ូឌែលUX 582។ លក្ខណៈពិសេសរបស់វាគឺមានអេក្រង់មួយផ្ទាំងផ្សេងទៀតលាតសន្ធឹងនៅចន្លោះកណ្កាលអេក្រង់មេ និងKeyboard។ អេក្រងនេះវាអាចដំណើរនិងតភ្ជាប់ចេញពីអេក្រងមេបានផងដែរ។ បន្ថែមពីនេះ ក្រុមហ៊ុន Asus បានបង្កើតកម្មវិធីគួរឱ្យចាប់អារម្មណ៍មួយចំនួនរបស់ខ្លួន ដើម្បីធ្វើឱ្យការគ្រប់គ្រងពហុអេក្រង់​ (multi-screen management)មានភាពងាយស្រួល។ អថិតិជនអាចធ្វើកិច្ចការបានច្រើនមុខ និងអាចរក្សាកម្មវិធីផ្សេងៗបាននៅអេក្រង់ScreenPad Plus ក្នុងពេលតែមួយ។

ដោយថ្ងៃនេះ CFU E-sport League Cambodia នឹងឆ្លៀតឧកាសធ្វើការបង្ហាញពីរូបរាង និងលក្ខណៈសម្បត្តិខ្លះៗរបស់ ASUS ZenBook Duo ម៉ូឌែល UX 482 ដូចខាងក្រោមនេះ៖

Re-Designing

ក្រុមហ៊ុន Asus នៅតែបន្តផ្តល់នូវការរចនាម៉ូដដែលមិនចេះចប់ប្រកបដោយភាពច្នៃប្រឌិត ដោយលើកនេះ ZenBook Duo ត្រូវបានផលិតដោយអាលុយមីញ៉ូមរឹង ការពារពីការធ្លាក់បែក និងមានរាងជ្រុងៗដូចទៅនឹងមនុស្សយន្ត និងមានភ្ជាប់មកជាមួយនឹងឡូហ្គូ Asus ដោយមានរន្ធទំាំងអស់ចំនួន៦ និងបំពង់សំលេងនៅខាងក្រោមចំនួន២។

អេក្រង់

Asus ZenBook Duo ត្រូវបានរចនាឡើងដោយមានលក្ខណៈប្លែកខុសពីបណ្តាលកំុព្យូទ័រដទៃផ្សេងទៀត។ វាមានអេក្រង់ចំនួន២ ដែលអេក្រង់មេ(Main Screen) របស់វាមានទំហំ១៤​ អុីញ មានកម្រិត 1920 x 1080 ។ ឯអេក្រង់មួយទៀតមានឈ្មោះថា ScreenPad Plus ដែលមាន ទំហំ ១២.៦ អុីញ, កម្រិតភាពច្បាស់ 1920 x 515។ ScreenPad នេះត្រូវបានក្រុមហ៊ុនAsus បំពាក់នៅចំពាក់កណ្តាល ដោយវាស្ថិតក្រោមអេក្រង់មេ និងលើKeyboard។ អេក្រង់ទំាំងពីរនេះសុទ្ធតែមានមុខងារ Touch Screen និងអាចដំណើរបានជាមួយប៊ិចរបស់Asus (ASUS Stylus)។

Keyboard

ចំពោះKeyboard ត្រូវបានក្រុមហ៊ុនបំពាក់នៅខាងចុងបំផុតនៃកំុព្យូទ័រ វាមានទំហំ15 x 13មម, ខណៈដែលបន្ទះTouchPad ត្រូវបានរចនាឡើងអោយមានទំហំតូចល្មម  នឹងត្រូវបង្វិលអោយស្ថិតនៅជ្រុងខាងស្តាំបំផុតនៃkeyboard ដោយមានប៉ូតុង Discrete Clickers ឆ្វេងស្តាំចំនួន២ផងដែរ ។បន្ថែមពីនេះ​ Keyboard របស់Zenbookនេះ ក៏មានតំឡើងBacklit Keyboard។ នេះមានន័យថា វាអាចមានពន្លឺនៅខាងក្រោម Keyboard ជាពិសេសវាផ្តល់ភាពងាយស្រួលដល់ការប្រើប្រាស់នៅពេលយប់។

Ports and Slots

សំលឹងទៅមើលរន្ធដោតវិញ កំុព្យូទ័រ Asus ZenBook Duo នេះ មានរន្ធដោតសរុបទំាងចំនួន៦។ នៅផ្នែកខាងឆ្វេង វាមានភ្ជាប់មកជាមួយនឹងរន្ធHDMI Port, រន្ធ Thunderbolt 4 Type USB-Type C ចំនួន២ ដែលរន្ធនេះក៏ប្រើប្រាស់សម្រាប់ការសាកថ្មដែរ ខណៈដែលនៅខាងស្តាំ, ZenBook Duoមានបំពាក់ដោយរន្ធដោតកាស១, រន្ធស្រូបសំលេង១ (Mic Combo Jack), រន្ធUSB និងរន្ធMicro SD Cardចំនួនមួយ ហើយកំុព្យូទ័រនេះ ក៏ភ្ជាប់មកជាមួយនឹងWiFi Master Premiumដែរ។

Speakers

ចំពោះផ្នែកខាងក្រោមនៃកំុព្យូទ័រគេឃើញមានSpeakers ស្ថិតសង់ខាងចំនួន២។ សំឡេងដែលចេញមកច្បាស់ ដោយគ្មានការរំខានអ្វីឡើយ សូម្បីតែបើកសំលេងក្នុងកម្រិតខ្ពស់ហើយ ក៏វាមិនមានសំលេងស្អក់នោះដែរ។ ចំពោះអូប៉ាល័រវិញនឹងបញ្ចេញជារំញ័របន្តិច នៅក្នុងស៊ុមនៅពេលដែលកម្រិតសំលេងលើសពី៨០% ។យ៉ាងណាមិញ Speakers ពិតជាល្អសម្រាប់បរិមាណកម្រិតសំលេងមធ្យមប្រហែលពី៧៦/៧៨dB និងមានគុណភាពខ្ពស់ជាងធម្មតាផងដែរ។

Webcam

ចំណែកឯផ្នែកខាងលើបំផុតមានកាមេរ៉ាទំហំ720p ជាប្រភេទIR HD Camera ភ្ជាប់មកជាមួយនឹង IR sensors ដែលវាមានសមត្ថភាពខ្ពស់ក្នុងស្កេនមុខ (Facial Recognition Login) ដើម្បីដោះសោរទោះបីជាគេស្ថិតនៅទីងងឹតក៏ដោយ។  បន្ថែមពីនេះ សូម្បីតែនៅក្រោមពន្លឺព្រះអាទិត្យ ក៏កាមេរ៉ានេះមានផ្តិតយករូបភាពរបស់បានយ៉ាងច្បាស់ ដោយវានឹងបន្ថយឬបន្ថែមពន្លឺដោយស្វ័យប្រវត្តិអោយស្របតាមមជ្ឃដ្ឋានជំុវិញ។ 

កម្រាស់ ទទឹង បណ្តោយ

កំុព្យូទ័រដៃ Asus ZenBook Duo ជំនាន់ទី២ នេះត្រូវបានឆ្លងកាត់ការធ្វើតេស្តយ៉ាងម៉ត់ចត់ ដើម្បីអាចបំពេលតាមបទតដ្ឋានស្តង់ដាមួយ ដោយកំុព្យូទ័រនេះមានកម្រាស់16.9mm ទទឹង22.2cm និងបណ្តោយ 32.4cm  ដែលនះមើលវាមានរាងតូចល្មមក្នុងកាន់ និងតាមខ្លួន។

Structure

កំុព្យូទ័រ Zenbook Duo អាចអោយគេបត់បានក្នុងកម្រិត147°។ ចំពោះ ScreenPad តំឡើងបាន7°។ ចំណែកឯនៅផ្នែកខាងក្រោម កំុព្យួទ័រនេះអាចហើបឡើងបាន4.5°។

ទម្ងន់ និងពណ៌

ចំពោះទម្ងង់របស់ Asus ZenBook Duo វិញ​ គឺវាធ្ងន់ជាងបណ្តាកំុព្យូទ័រយួរផ្សេងទៀតបន្តិច ដែលវាមានទម្ងន់ដល់១.៦គ និងមានតែមួយពណ៌ប៉ុណ្ណោះ គឺ Celestial Blue។

ថាមពលថ្ម

សម្រាប់ថាមពលថ្មវិញ, Asus ZenBook Duo នេះនឹងមិនធ្វើអោយអ្នកប្រើប្រាស់ខកបំណងឡើយ ដោយកំុព្យូទ័រនេះត្រូវបានក្រុមហ៊ុនបំពាក់ថាមពលថ្ម70 Wh ដែលមានទំហំធំជាងបណា្តលកំុព្យូរទ័រផ្សេង ដែលអនុញ្ញាតអោយយើងប្រើបាន១៧ម៉ោងសម្រាប់ការប្រើប្រាស់កម្មវិធីធម្មតា តែវាក៏អាស្រ័យលើកម្មវិធីដែលយើងប្រើផងដែរ។ ម្យ៉ាងទៀត កុំព្យូទ័រនេះក៏ភ្ជាប់មកជាមួយនឹងការសាក(Standard Barrel-Plug) 65Wh charger។ ក៏ប៉ុន្តែក្រុមហ៊ុនAsus មិនបានបញ្ចូលការសាកថ្មលឿន(Quick charger)នោះទេ ដូច្នេះការបញ្ចូលថ្មពេញត្រូវចំណាយពេលច្រើនជាង ២ ម៉ោងឯណ្ណោះ។

Display

អ្វីដែលធ្វើឱ្យ ZenBook Duo មានលក្ខណៈខុសប្លែកជាងគេនោះគឺ វាមានអេក្រង់ចំនួនពីរគឺអេក្រង់មេ(Main Screen)ទំហំ ១៤ អ៊ីញ ដែលមាន Resolution ១៩២០ x ១០៨០ ភីចស៊ែល និងអេក្រង់ Screenpad Plus ១២,៦ អ៊ីញ ដោយមាន Resolution ១៩២០ x ៥១៥ px ដែលអេក្រង់ទំាងពីរនេះអាចតភ្ជាប់គ្នា។ បន្ថែមពីនេះ  ASUS ZenBook Duo គឺជាកំុព្យូទ័រយួរដៃមួយដែលត្រូវបានតំឡើងជាមួយនឹងការចនា NanoEdge FHD ដែលជាការបន្ថយគែមជំុវិញអោយតូចជាងមុន អមជាមួយនឹងមុខងារPANTONE ដែលជាមុខងារអោយពណ៌នៅផ្ទៃអេក្រង់មានភាពត្រឹមត្រូវច្បាស់លាស់ល្អ និងមានពណ៌ដ៏ជ្រាលជ្រៅ(Ultra-Vivid Colors និង Deep Blacks) ដែលមើលទៅដូចទៅនឹងខ្សែភាពយន្ដដែលមានកំរិតពណ៌100% sRGB។  អ្វីដែលពិសេសនោះ វាមានមុខងារEyes Protection តាមរយៈបច្ចេកវិទ្យា ASUS Flicker-Free ប្រើប្រាស់ការកែសំរួលអំពូល Backlight បែប Smart Dynamic ដើម្បីកាត់បន្ថយពន្លឺ និងBlue Light ដែលជះចេញទៅកាន់ភ្នែករបស់យើង។

Performance

ZenBook គឺជាកំុព្យូទ័រយួរដៃIntel ជំនាន់ទី ១១ ដែលមានCore i7 Processor ​ជាមួយ Graphics, GeForce MX 450/ lris Xe ទំហំ២GB, ដែលមាន RAM32 GB, UPDDR4X at 4266MHz, ​វាក៏មានStorage ទំហំ 1TB ជាមួយនឹងSSD ល្បឿន3.2GB ក្នុងមួយវិនាទី។

• Performance mode 
  ចំពោះ Performance mode អាចបង្កើនប្រតិបត្តិការCPU រហូតដល់ទៅ 40% ធៀបនឹង CPUជំនាន់មុន។

• Balanced Mode
  ជាមុខងារដែលអាចបង្កើនប្រសិទ្ធភាពទៅ Performance, thermal, និងpower parameters អោយមានតុល្យភាពគ្នា

• Whisper Mode
  ជាមុខងារដែលធ្វើអោយដំណើរការម៉ាសុីនត្រជាក់ និងមិនមានសំលេងខ្លំាង ខណៈពេលដែលយើងប្រើប្រាស់

ScreenPad Plus Features

ដើម្បីជាការជួយសម្រួលដល់អ្នកប្រើប្រាស់ ក្រុមហ៊ុនបានធ្វើបច្ចុប្បន្នភាពនូវមុខងារមួយចំនួន ដូចខាងក្រោម រួមមាន៖

New Controllers

• Brightness៖ ​​​​​​​ មុខងារបន្ថែម ឬបន្ថយពន្លឺរបស់ScreenPad

• App Navigator ៖  ប្រើប្រាស់តភ្ជាប់កម្មវិធីរវាងអេក្រង់មេ និង អេក្រង់ScreenPad 

• Link to MyASUS​៖​  ជាមុខងារអាចភ្ជាប់ទូរស័ព្ទទៅកម្មវិធី MyASUS នៅលើកំុព្យូទ័រ ហើយយើងចែករំលែកសារ ឯកសារ ឬPhone Call ទៅវិញទៅមក

• Keyboard Lock៖  មុខងារអាចបើកឬបិទដំណើរការរបស់Keyboard

• Back to Desktop៖  ជាមុខងារដែលនឹងបញ្ចូនកម្មវីធីទៅកាន់អេក្រង់មេវិញ

• Task Swap៖  ជាមុខងារដែលនឹងផ្លាស់ប្តូរកម្មវិធីគ្នារវាងអេក្រង់មេ និងScreenPad

• Activate Touchpad mode៖  មុខងារដែលសម្រាប់បិទ ឬបើក TouchPad

• Task groups៖  ជាកន្លែងរៀបកម្មវិធី 
• All Apps៖  បណ្តំុកម្មវិធី

• Setting៖  កម្មវិធីកំណត់

• យើងក៏អាចប្រើកំណត់មុខងារនៅControl Panel សម្រាប់ប្រើប្រាស់ជាមួយនឹងកម្មវិធី Adobe ដោយប្រើប្រាស់​អេក្រង់ScreenPad  សម្រាប់គ្រប់គ្រង់មុខមុខងារ និងឧបករណ៍នៅPhotoshop, Adobe Premiere, Light Roomជាដើម ដោយវានឹងមានទម្រង់ដូចជាButton, Dial, Scroll ហើយនិងSlider បានផងដែរ។

ការងារប្រចំាថ្ងៃជាមួយ ASUS ZenBook Duo

ចាប់ផ្តើមពីពេលព្រឹលឹម ខ្ញុំតែងតែកកាន់កុំព្យូទ័រនឹងដៃដើរទៅធ្វើការ ដោយសារតែខ្ញុំមិនចូលចិត្តស្ពាយកាបូបធំៗ ញ៉េរញ៉ៃនោះទេ។ គ្រាន់តែប៊ិចមួយនិង Laptop ZenBook Duo មួយគឺគ្រប់គ្រាន់ហើយ។ ដោយសាររាល់ឯកសារ ទិន្នន័យទំាំងអស់ស្ថិតក្នុងកុំព្យូទ័រតែមួយ  ហើយខ្ញុំក៏អាចចូលមើលឯកសារ រូបភាពទំាងនោះបាននៅលើស្មាតហ្វូន ដោយខ្ញុំបានភ្ជាប់ជាមួយគណនី Link to MyASUS រួចជាស្រេច។

• Multiple Displays

រាល់ពេលដែលខ្ញុំមកដល់កន្លែងការងារដំបូង កម្មវិធីMicrosoft Word ជាកម្មវិធីដែលខ្ញុំតែងតែបើកមុនគេ ដោយសាររៀងរាល់ព្រឹក ខ្ញុំចំណាយពេលជាង២ ទៅ២ ម៉ោងកន្លះ ដើម្បីសរសេរអត្ថបទ ធ្វើការស្រាវជ្រាវនៅកម្មវីធី និងសិក្សាស្វែងយល់ពីផលិតផលជាច្រើន ដោយភាគច្រើនផ្តោតទៅលើបច្ចេកវិទ្យា ដូចស្មាតហ្វូន ឬកំុព្យូទ័រយួរដៃជាដើម។ ដោយសារតែកំុព្យូទ័រនេះអាចដំណើរជាមួយប៊ិចបាន​ ហតុនេះខ្ញុំពិតជាត្រូវការកម្មវីធីHandwriting ជាខ្លំាង ដោយខ្ញុំអាចគូសរូប បន្ទប់ពីមើលវីដេអូរួច ហើយក៏អាចបន្ថែមចំណុចខ្លះទៅក្នុងអត្ថបទ ដែលមាននៅផ្ទាំងអេក្រង់ស្រាប់។ ដូចនេះ ផ្ទំាងអេក្រង់កម្មវិធីទំាំង៣គឺអាចបង្ហាញអោយខ្ញុំមើលឃើញក្នុងពេលតែមួយ ដោយការមិនចាំបាច់ផ្លាស់ប្តូរ។ 

• New Control Feature for Photoshop

បន្ទាប់មក Photoshop ជាកម្មវិធីដែលខ្ញុំមិនអាចខ្វះបាន។ ជាទូទៅខ្ញុំតែងតែកាត់ត និងធ្វើការDesign រូបភាពថ្មីៗសម្រាប់ការងាររបស់ខ្ញុំ។ ម្យ៉ាងរូបភាពទំាំងនោះក៏ទាមទារអោយខ្ញុំបង្កើតនូវភាពច្នៃប្រឌិតជាខ្លំាង។ េហតុនេះ ខ្ញុំពិតជាត្រូវការកំុព្យូទ័រដែលអាចផ្តលនូវលក្ខណៈឬមុខងារពិសេសសម្រាប់ជួយដល់កិច្ចការរបស់ខ្ញុំ ដូចជាមុខងារ Control Feature នៅASUS ZenBook duoនេះ។ ខ្ញុំអាចdesignរូបភាព ដោយការប្រើប្រាស់មុខងារនៅលើScreenPad ដើម្បីគ្រប់គ្រាប់ឧបករណ៌ និងផ្លាស់ប្តូរពណ៌ផ្ទៃរូបភាពបានដោយងាយ ស្ទឺរតែមិនបាច់ប្រើmouse។​ បន្ថែមពីនេះ ខ្ញុំក៏អាចប្រើប្រាស់ប៊ិចរបស់​ASUS សម្រាប់ការសរសរអក្សរនៅលើរូបភាពបែប Handwritingក៏បាន។ 

• New Interface for Adobe Premiere

ចេញកម្មវិធីPhotoshop, Adobe Premiere ជាកម្មវិធី ដែលខ្ញុំប្រើប្រាស់ច្រើនជាងគេ ដោយវាតម្រូវអោយខ្ញុំធ្វើការកាត់ត និង edit វីដេអូជារៀងរាល់ថ្ងៃ។ ជាមួយនឹងMultiple Screen Display, និងជាពិសេសេមុខងារ Touch Screen, វាពិតជាងាយស្រួលក្នុងកាត់ត ដោយខ្ញុំបើកកម្មវិធីតែមួយលើអេក្រង់ទំាង២។ អេក្រង់ធំសម្រាប់Video និងអេក្រង់ក្រោមសម្រាប់ timeline ហើយខ្ញុំក៏អាចប្រើម្រាមដៃសម្រាប់ផ្លាស់ប្តូរទីតំាង និងeditវីដេអូផងដែរ។ហើយថាមពលថ្មវាអាចអោយខ្ញុំប្រើប្រាស់បាន៥- ៦ម៉ោងដែរ សម្រាប់កម្មវិធី Photoshop និង Premiere។

• Presentation Assist

ម្តងម្កាល ខ្ញុំត្រូវឡើងធ្វើបទបង្ហាញនិយាយស្តីពីផលិតផល ឬឧកបរណ៌អេឡិត្រូនិចទៅកាន់ក្រុមការងារ ដែលទាមទាញអោយខ្ញុំត្រូវការកំុព្យូទ័រដែលមានមុខងារfast connection និងអាចប្រើប្រាស់ប៊ិចក្នុងសរសេរនៅលើអេក្រង់បានស្រួល ដូចជា ASUS ZenBook Duo នេះដែរ។

• MyASUS

ជាញឹកញាប់ ខ្ញុំតែងតែសាកថ្មទូរស័ព្ទចោល ឬភ្លេចនៅតុ ប៉ុន្តែរាល់ពេលដែលខ្ញុំកំពុងតែធ្វើបទបង្ហាញ ឬកំពុងតែធ្វើការ រាល់ការតេចូល វានឹងលោតទៅកាន់កំុព្យូទ័ររបស់ខ្ញុំ ហេតុនេះខ្ញុំមិនចាំបាច់រត់ប្រញេប្រញាប់ទៅរកទូរស័ព្ទដែលនៅឆ្ងាយនោះទេ ដោយខ្ញុំអាចទទួលលើ​ ឬតេទៅគេវិញតាមរយៈមុខងារLink to MyASUS ដែលមាននៅASUS ZenBook Duoនេះស្រាប់។ ដោយសារតែខ្ញុំបានភ្ជាប់laptop ជាមួយនិងទូរស័ព្ទ តាមរយៈកម្មវិធី Link to MyASUS។ មិនតែប៉ុណ្ណោះ ឯកសារ ទិន្នន័យ Home Screen គឺអាចShare ទៅវិញទៅមកបានដោយងាយផងដែរ។

សរុបសេចក្តី

កំុព្យូទ័រយួរដៃ ZenBook Duo គឺជាប្រភេទកំុព្យូទ័រដែលទទួលបានការចនាប្លែក ដោយមានអេក្រង់ចំនួន២ Main Screen និងScreenPad ខណៈដែលម៉ាសុីនខាងក្នុងវិញ ក៏ត្រូវបានក្រុមហ៊ុនបំពាក់ទៅដោយបច្ចេកវិទ្យាជំនាន់ចុងក្រោយ ដូចជាមានProcess Corei7,  Graphics GeForce MX 450,  FHD display, Ram32GB​ ដែលអោយដំណើរកម្មវិធី ឬហ្គេមធំៗដោយមិនបារម្ភច្រើនដូចជា Adobe Premiere, Photoshop, Light Room។ វាអាចអោយយើងប្រើប្រាស់បំពេញការងារប្រចំាថ្ងៃបានល្អដោយមិនព្រួយបារម្ភច្រើន ទំាំងថាមពល កំលាំម៉ាសុីន និងការរក្សាទុកជាដើម ទោះបីជាវាមានតំលៃ១៤០០ដុល្លាក៏ដោយ។ ដូចនេះ យើងអាចនិយាយបានថា កំុព្យូទ័រយួរដៃ Asus ZenBook Duo នេះអាចជាកំពូលកំុព្យទ័រមួយដែរ មិនចាញ់Macbook​ ប៉ុន្មានទេ។