5G Apple iPad Pro នឹងមកដល់នៅដើមឆ្នាំក្រោយជាមួយនឹងបច្ចេកវិទ្យាបង្ហាញកាន់តែច្បាស់

iPad ស៊េរីថ្មីបំផុតរបស់ក្រុមហ៊ុន Apple ត្រូវបានគេរំពឹងថានឹងត្រូវចេញផ្សាយនៅត្រីមាសទី ១ ឆ្នាំក្រោយ

Written by Dorn Visal



11/06/2020



News | Smart Phone

ក្រុមហ៊ុន Apple បានជ្រើសរើសយក LG Display ដើម្បីបំពាក់លើ iPad Pro ថ្មីរបស់ខ្លួន ដែលនឹងចេញជាផ្លូវការនៅត្រីមាសទី១ ឆ្នាំក្រោយនេះ។ iPad Pro ថ្មីៗនេះនឹងបំពាក់ដោយអេក្រង់ LCD ដែលមើលទៅកាន់តែច្បាស់ត្រជាក់ភ្នែកជាងបច្ចេកវិទ្យាបច្ចុប្បន្ន។ iPad Pro បំពាក់នូវអេក្រង់ប្រភេទ Mini LED អមមកជាមួយបន្ទះឈីប A14X Bionic ទំហំ 5nm គាំទ្រដល់ប្រព័ន្ធ 5G ហើយ Tablet របស់ក្រុមហ៊ន Apple ថ្មីនេះក៏ត្រូវបានគេព្យារករណ៏ថា នឹងបំពាក់អេក្រង់ដែលមានទំហំ 12.9-inch ផងដែរ។

បណ្តាក្រុមហ៊ុនផ្គត់ផ្គង់កញ្ចក់ LED មួយឈ្មោះក្រុមហ៊ុន Epistar ដែលមានមូលដ្ឋាននៅតៃវ៉ាន់ បានផ្តល់អំពូល LED ខ្នាតតូចទៅកាន់ក្រុមហ៊ុន Apple និងមានក្រុមហ៊ុនតៃវ៉ាន់មួយផ្សេងទៀតឈ្មោះ TSMT កំពុងប្រើបច្ចេកវិទ្យា Surface Mount Technology (SMT) ដើម្បីបង្កើតអេក្រង់ LCDជំនាន់ចុងក្រោយ របស់ខ្លួនដើម្បីផ្គត់ផ្គង់ឱ្យក្រុមហ៊ុនApple ផងដែរ ។

ក្រៅពី iPad Pro ម៉ូដែល Apple ក៏នឹងបំពាក់ LG Display នេះនៅលើ Macbook ផងដែរ។

Apple iPad Pro 5G