ខណៈពេលដែលការរីករាលដាលនៃមេរោគឆ្លងដែលបានជះឥទ្ធិពលដល់ពិភពលោកទាំងមូល បណ្តាលឱ្យមានការលំបាកផ្នែកសេដ្ឋកិច្ចនៅទូទាំងពិភពលោក។ អតិថិជនជាច្រើនបានពន្យារពេលទិញ ពីព្រោះពួកគេមិនត្រូវការឧបករណ៍ថ្មីទេ។ បន្ទាប់ពីការធ្លាក់ចុះនេះនៅឆ្នាំ ២០២០ ការលក់ទូរស័ព្ទទូទាំងពិភពលោកកំពុងធ្លាក់ចុះផងដែរ។
ទោះយ៉ាងណា វាជារយៈពេលដ៏លំបាកសម្រាប់ក្រុមហ៊ុនផលិត ខណៈដែលផលិតផលនិងតម្រូវការ iPhone 12 ក្រុមហ៊ុន Apple បែរជាមានការកើនឡើង ដែលនេះបានបង្កើនចំណែករបស់ខ្លួននៅត្រីមាសទី៤ ។ លោក Anshul Gupta នាយកស្រាវជ្រាវជាន់ខ្ពស់នៅក្រុមហ៊ុនស្រាវជ្រាវ Gartner មានប្រសាសន៍ថា“ ការលក់ស្មាតហ្វូន 5G និងស្មាតហ្វូនថ្នាក់កណ្តាល(lower mid-range smartphones)បានកាត់បន្ថយការធ្លាក់ចុះទីផ្សារនៅត្រីមាសទី ៤ ឆ្នាំ ២០២០ ។ ខណៈពេលដែលអតិថិជនមានការប្រយ័ត្នប្រយែង ចំពោះការចំណាយរបស់ពួកគេ ដោយពួកគេខ្លះបានទៅទិញស្មាតហ្វូន ដែលទើបតែត្រូវបានចេញលក់នៅក្នុងត្រីមាសចុងក្រោយ។
តាមរបាយការណ៍Gartner ក៏បានផ្តល់ព័ត៌មានអំពីតួលេខទូទៅសម្រាប់ឆ្នាំ ២០២០ ផងដែរ។ ការលក់របស់ Apple បានកើនឡើង ៣,៣ ភាគរយក្នុងឆ្នាំ ២០២០ បើប្រៀបធៀបទៅនឹងឆ្នាំ ២០១៩។ នៅក្នុងសេចក្តីថ្លែងការណ៍ដែលធ្វើឡើងដោយ Gartner បានបញ្ជាក់ថាការចេញលក់ iPhone 12 ស៊េរី 5G បានផ្តល់ឱ្យក្រុមហ៊ុន Apple នូវឱកាសកំណើនទ្វេដង នៅក្នុងត្រីមាសចុងក្រោយនៃឆ្នាំនេះ។ ដូច្នេះក្រុមហ៊ុន Apple បានវ៉ាដាច់ក្រុមហ៊ុន Samsung នៅក្នុងទីផ្សារស្មាតហ្វូនបន្ទាប់ពីបួនឆ្នាំ។ ក្រុមហ៊ុនដែលមានមូលដ្ឋាននៅទីក្រុង Cupertino បានបង្ហាញពីភាពជោគជ័យនេះនៅត្រីមាសចុងក្រោយនៃឆ្នាំ ២០១៦ ។
នៅចុងបញ្ចប់នៃការស្រាវជ្រាវ វាត្រូវបានបញ្ជាក់ថា ភាពស្មោះត្រង់របស់ម៉ាកអេបផលនិងការតភ្ជាប់ 5G ទៅនឹងទូរស័ព្ទចុងក្រោយរបស់ខ្លួនក្នុងអំឡុងពេលនេះ បាននាំឱ្យក្រុមហ៊ុនឈានដល់ 79,8 លាន។ លើសពីនេះទៀត ខណៈពេលដែលប្រាក់ចំណេញនេះត្រូវបានអមដោយអត្រាកំណើន ១៤,៩ ភាគរយ វាក៏បានផ្តល់ចំណែកទីផ្សារដល់ក្រុមហ៊ុន ២០,៨ ភាគរយផងដែរ។ ទិន្នន័យទាំងនេះអាចឱ្យក្រុមហ៊ុនអេបផលក្លាយជាអ្នកផ្គត់ផ្គង់ទូរស័ព្ទធំជាងគេបំផុតនៅលើពិភពលោកជាលើកដំបូងចាប់តាំងពីឆ្នាំ ២០១៦ មក។
យោងតាមរបាយការណ៍របស់ Gartnerដដែលបានលើកឡើងថា ប្រសិនបើក្រុមហ៊ុន Apple អាចបំពេញតំរូវការការលក់ iPhone 12 ស៊េរីថ្មីបាន ក្រុមហ៊ុនអាចដើរតាមទិសដៅខ្ពស់ជាងនេះ។ ទោះជាយ៉ាងណាក៏ដោយបញ្ហានៅក្នុងទីផ្សារបន្ទះឈីប អាចនឹងរារាំងក្រុមហ៊ុន Apple មិនឱ្យឆ្លើយតបទៅនឹងតម្រូវការនេះបានឡើយ។
Apple ត្រូវបានដេញតាមពីក្រោយដោយក្រុមហ៊ុន Xiaomi ដែលបានបង្កើនការលក់របស់ខ្លួនចំនួន ៣៣,៩ ភាគរយនៅក្នុងត្រីមាសចុងក្រោយនិងរកប្រាក់ចំណេញបានចំនួន ៤៣,៤ លានដុល្លារ។ ទោះបីជាក្រុមហ៊ុនចិនទទួលបានកំណើនកំណត់ត្រាខ្ពស់ក៏ដោយ ក៏វាមិនអាចវ៉ាដាច់ក្រុមហ៊ុន Samsung ដែរ។ ក្រុមហ៊ុនអេឡិចត្រូនិកយក្សរបស់កូរ៉េមួយនេះ នៅតែអាចរក្សាចំណាត់ថ្នាក់ទី ២ របស់ខ្លួនបានដដែល។
Source: somagnews.com
ដើម្បីអានពត៌មានបច្ចេកវិទ្យាថ្មីបន្ថែម លោកអ្នកអាចចូលទៅកាន់តំណភ្ជាប់ខាងក្រោម៖
CFU E-Sports League Cambodia
Web៖ https://cfu-esports.com/
FB Page៖ CFU E-Sports League Cambodia
YouTube៖ CFU E-Sports League Cambodia – YouTube
