ពិព័រណ៍ CES ឆ្នាំ ២០២១ គឺនៅសល់តែប៉ុន្មានថ្ងៃទៀតតែប៉ណ្ណោះ ប៉ុន្ដែក្រុមហ៊ុន Acer ប្រកាសបច្ចេកវិទ្យាថ្មីជាមួយរបស់ខ្លួនមុនបាត់ទៅហើយ។ ថ្មីៗនេះក្រុមហ៊ុន Acer បានដាក់បង្ហាញម៉ូនីទ័រសម្រាប់លេងហ្គេមរបស់ខ្លួនដែលបំពាក់នូវ HDMI 2.1 ដែលជាបច្ចេកវិទ្យាដែល PS5 និង Xbox Series X|S ទាំងពីរប្រើដើម្បីផលិតវីដេអូកម្រិត 4K និង 120Hz ។ Acer Nitro XV282K KV នឹងក្លាយជាម៉ូនីទ័រលេងហ្គេម HDMI 2.1 ដំបូងបង្អស់របស់ក្រុមហ៊ុននេះ។
ម៉ូនីទ័រលេងហ្គេម Acer Nitro HDMI 2.1 នេះមានសមត្ថភាពបង្ហាញរូបភាពកម្រិតច្បាស់ 4K ជាមួយអត្រាស្រស់ 144Hz និងតម្លៃ 900 ដុល្លារ ខណៈពេលដែល PS5 និង Xbox Series X អាចត្រូវបានប្រើប្រាស់យ៉ាងទូលំទូលាយជាមួយម៉ូនីទ័រនេះ អ្នកប្រើដែលមានកាតក្រាហ្វិកស៊េរី RTX 3000 ក៏នឹងអាចប្រើបច្ចេកវិទ្យា HDMI 2.1 បានដែរ។ ហើយខណៈពេលដែលរន្ធ HDMI 2.1 ផ្តល់នូវបច្ចេកវិទ្យា VRR (អត្រាធ្វើឱ្យស្រស់) វាក៏នឹងគាំទ្រ FreeSync ពិសេសសម្រាប់ហ្គេមកុំព្យូទ័រជាមួយខ្សែ DisplayPort និង HDMI 2.0 ផងដែរ។
ក្រុមហ៊ុន Acer ក៏បានបង្ហាញនូវម៉ូនីទ័រពីរផ្សេងទៀតដែលមិនមាន HDMI 2.1 ទីមួយគឺ Acer Predator XB273U NX ដែលមានបន្ទះ IPS ជាមួយកម្រិតបង្ហាញ 1440p resolution និងអត្រាស្រស់ 240Hz ដែលត្រូវបានពង្រីករហូតដល់ 275Hz ។ វាមានតម្លៃ $1,100ដុល្លារ បំពាក់នូវ HDR400 និងបច្ចេកវិទ្យាវិភាគឌីជីថល Reflex របស់ Nvidia។
ម៉ូនីទ័រទី២ គឺម៉ូនីទ័រហ្គេម Acer Predator XB323QK NV IPS ដែលមានតម្លៃ $1,200 ផ្តល់នូវកម្រិត 4K និង 144Hz ជាមួយនឹងបច្ចេកវិទ្យា HDR400 ។ ប្រសិនបើអ្នកកំពុងស្វែងរកម៉ូនីទ័រដែលផ្តល់នូវរូបភាពច្បាស់ជាមួយនឹងអត្រាធ្វើឱ្យស្រស់ខ្ពស់ដូចនេះ XB323QK ក៏ជាជម្រើសដ៏ល្អសម្រាប់អ្នកទាំងអស់គ្នាផងដែរ។ ហើយម៉ូនីទ័រទាំងបីនេះត្រូវបានកំណត់កាលបរិច្ឆេទចេញផ្សាយនៅខែឧសភានៅឆ្នាំនេះ។
ប្រភព៖ gamespot
ដើម្បីអានពត៌មានបច្ចេកវិទ្យាថ្មីបន្ថែម៖ https://cfu-esports.com/ ឬ ចូលទៅកាន់ FB Page៖ CFU E-Sports League Cambodia
