តាមការរាយការណ៍ក្រុមហ៊ុន Qualcomm នឹងបង្ហាញស្មាតហ្វូនលេងហ្គេមដំបូងបំផុតរបស់ខ្លួនដែលនឹងដាក់បង្ហាញនៅចុងឆ្នាំ ២០២០។ ក្រុមហ៊ុនផលិតបន្ទះឈីបនេះត្រូវបានគេនិយាយថាកំពុងសហការជាមួយក្រុមហ៊ុន Asus ដើម្បីអភិវឌ្ឍស្មាតហ្វូនសម្រាប់លេងហ្គេមនេះ។
ដោយមានការចូលរួមពីក្រុមហ៊ុន Asus វាអាចទៅរួចដែលថាស្មាតហ្វូនសម្រាប់លេងហ្គេមរបស់ក្រុមហ៊ុន Qualcomm នេះ នឹងមានភ្ជាប់មកជាមួយម៉ាកយីហោ Republic of Gamers ផងដែរ ដែលនឹងបំពាក់ដោយRefresh Rate អេក្រង់ខ្ពស់, អមជាមួយបន្ទះឈីប Qualcomm Snapdragon SoC ជំនាន់ចុងក្រោយរបស់ក្រុមហ៊ុន Qualcomm ព្រមទាំងបំពាក់ដោយ GPU Adreno series និងថ្មអាចប្រើប្រាស់បានច្រើនម៉ោងទៀតផង។